'సర్దార్' పై మరో కొత్త న్యూస్!

పవన్ కళ్యాణ్ 'సర్దార్ గబ్బర్ సింగ్' సినిమా షూటింగ్ శర వేగంగా షూటింగ్ జరుపుకుంటోంది. అనుకున్న సమయానికి సినిమాను రిలీజ్ చేయడానికి పవన్ గ్యాప్ లేకుండా ఈ సినిమా కోసం కష్టపడుతున్నాడు. సినిమా మీద పవన్ చూపిస్తోన్న శ్రద్ధకు యూనిట్ వర్గాలు ఆశ్చర్యపోతున్నాయట. అందుతున్న సమాచారం ప్రకారం ఈ సినిమాలో వచ్చే ఇంటర్వెల్ బ్యాంగ్ సినిమాకే హైలైట్ నిలుస్తుందని తెలుస్తోంది.

అంతేకాదు ఇప్పటివరకు వచ్చిన తెలుగు సినిమాల్లో ఈ సీన్ 'ది బెస్ట్' అవుతుందని అంచనా వేస్తున్నారు. కామిడీకి పెద్ద పీట వేస్తూ రొమాన్స్ ఎంటర్‌ టైన్‌ మెంట్ ఇలా అన్నింటిని సమపాళ్ళలో కనిపించే విధంగా పవన్ ఈసినిమా స్క్రీన్ ప్లే ను చాలా పక్కాగా తయారు చేయించాడు అని టాక్. 'గబ్బర్ సింగ్' సినిమాను మించేలా ఈ సినిమాలో రెండు మసాలా సాంగ్స్ ఉండబోతున్నాయి. తన మాస్ ప్రేక్షకులను దృష్టిలో పెట్టుకునే పవన్ ఈ పాటలను డిజైన్ చేయించునట్లు తెలుస్తోంది.