ప‌వ‌న్ కొత్త సినిమా టైటిల్ ఏంటంటే..

ప‌వ‌ర్ స్టార్ ప‌వ‌న్ క‌ళ్యాణ్ అభిమానులు ఇక ‘స‌ర్దార్ గ‌బ్బ‌ర్ సింగ్ సంగ‌తుల‌కు తెర దించాల్సిందే. ప‌వ‌న్ కూడా ఈ సినిమా సంగ‌తి ప‌క్క‌న‌బెట్టేసి త‌న త‌ర్వాతి సినిమా మీదికి ఫోక‌స్ షిఫ్ట్ చేసిన‌ట్లే ఉన్నాడు. స‌ర్దార్ విడుద‌ల త‌ర్వాత ఓ మూణ్నాలుగు రోజుల పాటు ఇంట‌ర్వ్యూల‌తో బిజీ బిజీగా గ‌డిపిన ప‌వ‌న్‌.. ఆ త‌ర్వాత ఎస్‌.జె.సూర్య‌తో స్టోరీ సిట్టింగ్స్ సాగిస్తున్న‌ట్లు స‌మాచారం. ఈ సినిమాకు ఆల్రెడీ వ‌ర్కింగ్ టైటిల్ కూడా అనుకున్నారు. ‘ఖుషి’కి సీక్వెల్ కాని సీక్వెల్ గా తెర‌కెక్క‌బోతున్న ఈ సినిమాకు అదే సౌండింగ్ ఉండేలా ‘హుషారుగా’ అనే టైటిల్ అనుకుంటున్న‌ట్లు స‌మాచారం. ఈ వ‌ర్కింగ్ టైటిల్ తోనే షూటింగ్ ఆరంభించ‌బోతున్న‌ట్లు స‌మాచారం.

ఎస్‌.జె.సూర్య ద‌ర్శ‌క‌త్వంలో తాను చేయ‌బోయేది ఫ్యాక్ష‌న్ నేప‌థ్యంలో సాగే ల‌వ్ స్టోరీ అని ప‌వ‌న్ ఇప్ప‌టికే చెప్పిన సంగ‌తి తెలిసిందే. వీళ్లిద్ద‌రి కాంబినేష‌న్లో వ‌చ్చిన తొలి సినిమా ఖుషి ఎంత పెద్ద బ్లాక్ బ‌స్ట‌రో కొత్త‌గా చెప్పాల్సిన ప‌ని లేదు. త‌ర్వాత చేసిన ‘పులి’ పెద్ద డిజాస్ట‌ర్ అయినా.. మ‌ళ్లీ మూడోసారి క‌లిసి సినిమా చేయ‌బోతున్నారు. ఈ చిత్రాన్ని ప‌వ‌న్ మిత్రుడు.. ‘గోపాల గోపాల‌-స‌ర్దార్ గ‌బ్బ‌ర్ సింగ్ సినిమాల నిర్మాత శ‌ర‌త్ మ‌రారే నిర్మిస్తాడ‌ని స‌మాచారం. ‘గోపాల గోపాల’ త‌ర్వాత అనూప్ రూబెన్స్ మ‌రోసారి ప‌వ‌న్ సినిమాకు సంగీతాన్నందించ‌బోతున్నాడు. త్వ‌ర‌లోనే ఈ చిత్రం గురించి అఫీషియ‌ల్ అనౌన్స్ మెంట్ వ‌చ్చే అవ‌కాశ‌ముంది.