అందాల చెలికి ఫిదా కానిది ఎవ‌రు?

``మనోహరా నా హృద‌య‌మునే ఓ మ‌ధువ‌నిగా మ‌లిచా.. అతీవ‌రా ఆ తెనేల‌నే ఓ తుమ్మెద‌వై తాగిపోమ్మంటా..`` .. క్లాసిక్ మూవీ చెలి లోని ఈ పాట ఎప్ప‌టికీ ట్రెండ్ సెట్ట‌ర్. ఈ పాట‌లో రీమాసేన్..మాధ‌వ‌న్ మ‌ధ్య కెమిస్ట్రీ ఏ రేంజ్ లో పండిందో చెప్పాల్సిన ప‌నిలేదు. హ్యారీస్ జైరాజ్ మ్యూజిక్ అందించిన ఆ చిత్రం మ్యూజిక‌ల్ గానే పెద్ద హిట్. స‌రిగ్గా ఆ పాట‌కి హిందీ వెర్ష‌న్ లో అద్భుత‌మైన ఎక్స్ ప్రెష‌న్ తో పాయ‌ల్ రాజ్ పుత్ ఇప్పుడు సోష‌ల్ మీడియా మ‌నోహ‌రిగా మారిపోయింది. ప్ర‌స్తుతం దానికి సంబంధించిన ఓ వీడియో నెట్టింట వైర‌ల్ గా మారింది.

పాయ‌ల్ ప‌ర్పెక్ట్ గా సాంగ్ మొదటి లైన్స్ ని  క్యారీ చేసింది. ఈ వీడియోతో మ‌రోసారి ఇన్ స్టాలో పాయ‌ల్ ఫ్యాన్స్ ఫిదా అయిపోతున్నారు. చాలాకాలం త‌ర్వాత విన‌సొంపైన  మెలోడీకి పాయ‌ల్ కొత్త అందాన్ని తీసుకొచ్చింది. పాయ‌ల్ ఫాలోవ‌ర్స్ ల‌వ్ సింబ‌ల్స్ ని పోస్ట్ చేస్తూ ల‌వ్ యు చెబుతున్నారు. బేసిక్ గానే పాయ‌ల్ కి యువ‌త‌లో మంచి ఫాలోయింగ్  ఉంది. తొలి సినిమా `ఆర్ ఎక్స్ -100` తోనే త‌న‌లో రొమాంటిక్ యాంగిల్ ని ప‌రిచ‌యం చేసింది. నాటి నుంచి ఇన్ స్టా క్వీన్ గా వెలిగిపోతుంది. తాజాగా పాపులారిటీ కోసం ఇలాంటి  విర‌హాగీతాలకి ఎక్స్ ప్రెష‌న్స్ ఇస్తే ఇంకెలా ఉంటుందో చెప్పాల్సిన ప‌నిలేదు.

ప్ర‌స్తుతం తెలుగులో అవ‌కాశాలు బాగానే వ‌స్తున్నాయి.   కోలీవుడ్ లోనూ అవ‌కాశాలు అందుకుంటోంది. అలాగే క‌న్న‌డ‌లో ఓ డాన్ స్టోరీలో న‌టిస్తోంది. బెంగుళూరు సిటీని మొట్ట మొద‌ట‌గా గ‌డ‌గ‌డలాడిండించిన  జ‌య‌రాజ్ బ‌యోపిక్ `హెడ్ బుష్` టైటిల్ తో తెర‌కెక్కుతోంది. ఇందులో డాన్ మొద‌టి గాళ్ ప్రెండ్ పాత్ర‌లో న‌టిస్తోంది. జ‌య‌రాజ్ కి చాలా మంది గాళ్ ప్రెండ్స్  ఉండ‌గా పాయ‌ల్ పోషించే పాత్ర మాత్రం చాలా కీల‌క‌మైన‌ది. డాన్ జీవితంలో కొన్ని మార్పులు సైతం తీసుకొచ్చిన రోల్ అది. ఈ నేప‌థ్యంలో పాయ‌ల్ పాత్ర‌కు మంచి పేరొచ్చే అవ‌కాశం ఉంది.