ఫొటో మాటః బన్నీ మాస్ కాదు.. ఊరమాస్!

పాత్రకు ప్రాణం పెట్టేసే న‌టుల్లో అల్లు అర్జున్ ఒక‌రు. క్యారెక్ట‌ర్ ప‌ర్ఫెక్ష‌న్ కోసం ఎలాంటి గెట‌ప్ కైనా సిద్ధంగా ఉంటాడు బ‌న్నీ. సుకుమార్ దర్శకత్వంలో తెరకెక్కుతున్న త‌న మూవీ ‘పుష్ప’. ఈ మూవీలో గంధపు చెక్కల స్మగ్లర్ పుష్పరాజ్ పాత్రలో బన్నీ కనిపించబోతున్న విషయం తెలిసిందే.

ఈ చిత్రానికి సంబంధించిన అల్లు అర్జున్ పిక్ లేటెస్ట్ గా రిలీజైంది. ఈ ఫొటోలో మాస్ గెటప్ లో కనిపిస్తున్న స్టయిలిష్ స్టార్.. ఫ్యాన్స్ తో ఊరమాస్ అనిపిస్తున్నాడు. ఈ చిత్రం ద్వారా దర్శకుడు సుక్కూ.. సరికొత్త బన్నీని పరిచయం చేయబోతున్నాడని అనిపిస్తోంది.

ఆయిల్ అలవాటు లేని జుట్టుతో.. మాసిన గడ్డంతో.. పాత తరం ఉపయోగించే స్వెట్టర్ ధరించిన బన్నీ లుక్ కేక పెట్టిస్తోంది. ఇక, భుజం మీద మోస్తున్న అరటి గెల.. అన్నింటకన్నా ముఖ్యంగా నోట్లో కాలుతున్న బీడీ.. బన్నీ గెటప్ ను పీక్స్ కు తీసుకెళ్తున్నాయి.

ఈ గెటప్.. ఇంతకు ముందెన్నడూ చూడని బన్నీ స్టయిల్ ను పరిచయం చేస్తోంది. అభిమానుల‌కు మాస్ ట్రీట్ ఇచ్చేందుకు రిలీజ్ చేసిన ఈ పిక్‌.. అనుకున్న టార్గెట్ ను రీచ్ అయ్యింది. చూసిన ప్ర‌తి ఒక్క‌రినీ అల‌రిస్తోంది బ‌న్నీ ఫొటో.

రూ.180 కోట్ల భారీ బ‌డ్జెట్ తో మైత్రి మూవీ మేకర్స్ నిర్మిస్తున్న ఈ పాన్ ఇండియన్ మూవీ.. ఆగ‌స్టు 13న ప్రేక్ష‌కుల ముందుకు రాబోతోంది.