పూజాహెగ్డేను న‌గ్న చిత్రం అడిగిన నెటిజ‌న్‌.. ఏం చేసిందో తెలుసా?

టాలీవుడ్ లో టాప్‌ హీరోయిన్ గా కంటిన్యూ అవుతోంది పూజా హెగ్డే. ‘అల వైకుంఠపురములో’ చిత్రం బ్లాక్ బస్టర్ హిటా నిలవడంతో.. ఈ అమ్మడి క్రేజ్ పీక్ లెవల్ కి చేరింది. ప్రస్తుతం ప్రభాస్ తో కలిసి నటిస్తున్న ‘రాధే శ్యామ్’ విడుదలకు సిద్ధమవుతోంది. అయితే.. సినిమాలతోనే కాకుండా, సోషల్ మీడియా వేదికగానూ ఫ్యాన్స్ తో టచ్ లో ఉంటుందీ భామ. ముఖ్యంగా ఇన్‌స్టాగ్రామ్‌లో చాలా యాక్టివ్‌గా ఉంటోంది పూజా.

తాజాగా.. ఫ్యాన్స్ తో చిట్ చాట్ నడిపిందీ బ్యూటీ. క్వశ్చన్ అండ్ ఆన్సర్ మీట్ లో పార్టిసిపేట్ చేసింది. ఈ సందర్భంగా ఫ్యాన్స్ అడిగిన పలు ప్రశ్నలకు సమాధానం చెప్పందీ బుట్టబొమ్మ. అయితే.. ఇందులో ఓ నెటిజన్ పూజా హెగ్డేను నగ్న చిత్రాన్ని పోస్ట్ చేయమని కోరాడు. ఈ చర్యకు ఏ మాత్రం ఆవేశపడని పూజా.. దిమ్మతిరిగే రీతిలో స్పందించింది.

ముకుంద చిత్రం ద్వారా టాలీవుడ్లో ప్ర‌వేశించిన పూజా హెగ్డే.. బాలీవుడ్లో హృతిక్ రోషన్ తో కలిసి న‌టించింది. ఈ క్ర‌మంలో త‌న‌పై వ‌చ్చే ట్రోలింగ్ తోపాటు.. అస‌భ్య‌క‌ర‌మైన విమ‌ర్శ‌ల‌కు అల‌వాటు ప‌డిన‌ట్టుందీ బ్యూటీ. అందుకే.. నేక్‌డ్ చిత్రాన్ని అడిగిన‌ప్ప‌టికీ ఏ విధ‌మైన కామెంట్ చేయ‌కుండా.. మైండ్ బ్లాంక్ అయ్యే స‌మాధానం ఇచ్చింది. తన రెండు పాదాలను ఫొటో తీసి.. ఆ చిత్రాన్ని పోస్ట్ చేసింది పూజా! ఈ చిత్రాన్ని చూసి స‌ద‌రు వ్య‌క్తి ఖ‌చ్చితంగా షాక్ తిని ఉంటాడు.

నిజానికి ఈ విష‌యాన్ని లైట్ తీసుకొని వ‌దిలేసే అవ‌కాశం ఉన్న‌ప్ప‌టికీ.. పూజా త‌గిన స‌మాధానం ఇవ్వాల‌ని నిర్ణ‌యించుకుంది. అందుకే.. త‌న పాదాల‌తో కూడిన ‘నగ్న చిత్రాన్ని’ పోస్ట్ చేసి కళ్లు బైర్లు కమ్మే ఆన్సర్ ఇచ్చిందీ నటీమణి.