జిగేల్ రాణీకి ఫ‌న్నీ గేమ్స్

జిగేల్ రాణీ లైఫ్ రంజుగా ఉంది. క‌ల‌ర్‌ ఫుల్‌ గా మీఠా పాన్ వేసినంత స్వీటుగానూ ఉంది. ఓవైపు ప్ర‌భాస్ - మ‌హేష్ లాంటి స్టార్ల స‌ర‌స‌న న‌టిస్తోంది. మ‌రోవైపు బాలీవుడ్‌ లో కిలాడీ అక్ష‌య్ కుమార్ అంత పెద్ద స్టార్‌ తో న‌టిస్తోంది. ఈ శుభ‌సంద‌ర్భంలో ఆ ఉల్లాసం ఉత్సాహం ఈ అమ్మ‌డిలో కొట్టొచ్చిన‌ట్టు క‌నిపిస్తోంది. ఎంత దాచుకుందాం అన్నా ఆ ఆనందం దాచుకోలేక‌పోతోంది.

తాజాగా త‌న ఫేవ‌రెట్ స్టార్ అక్కీతో ఓ సెల్పీ దిగి దానిని సామాజిక మాధ్య‌మాల్లోనూ పోస్ట్ చేసింది పూజా. దానికి అదిరిపోయే కొటేష‌న్ ఇచ్చింది. ``కామెడీ జీనియ‌స్  అక్ష‌య్ కుమార్ స‌ర్‌ తో క‌లిసి న‌టిస్తున్నా. షూటింగ్‌ లో ఎంతో ఫ‌న్ ఉంది క్రేజీగా. ప‌సోళ్ల‌లో ప‌సోడిలా ఉంటారు.. ఈ మార్ష‌ల్ ఆర్ట్స్ కింగ్ నిపుణుడు. సెట్‌ లో బోలెడంత ఇంప్రైవైజేష‌న్ చేస్తారు. ఎంతో నేర్చుకునేందుకు ఆస్కారం ఉంది. అత‌డితో ఆటలాడ‌డం అంత సులువేం కాదు.. ఎందుకంటే ప్ర‌తిసారీ అత‌డే ఈ ఫ‌న్నీ గేమ్స్‌ లో విజేత అవుతాడు`` అని అంది పూజా. హౌస్‌ ఫుల్ 4 సెట్స్‌ లో ఈ అమ్మ‌డు అక్కీతో క‌లిసి చిన్న పిల్ల‌లా ఆట‌లాడుకుంటున్నాన‌ని చెప్ప‌క‌నే చెప్పింది.

వ‌రుస విజ‌యాల‌తో దూకుడు మీదున్నాడు అక్ష‌య్ కుమార్. ప్ర‌స్తుతం మోస్ట్ స‌క్సెస్‌ ఫుల్ వెంచ‌ర్ హౌస్‌ ఫుల్ 4తో బిజీగా ఉన్నాడు. అత‌డితో పాటే పూజా హెగ్డే - రానా కూడా సెట్స్‌ లో జాయిన్ అయ్యారు. ఇంత‌కీ పూజా ఎవ‌రి స‌ర‌స‌న న‌టిస్తోంది. అక్కీ స‌ర‌స‌నా?  లేక రానా స‌ర‌స‌నా? అన్న‌ది తెలియాల్సి ఉంది. అలాగే ఈ చిత్రంలో రితేష్ దేశ్‌ ముఖ్ - బాబీ డియోల్ లాంటి స్టార్లు న‌టిస్తున్న చిత్ర‌మిది. ఫ‌ర్హాన్ సామ్జీ ద‌ర్శ‌క‌త్వం వ‌హిస్తున్నారు.