'వీర‌మ‌ల్లు' సెట్ నుంచి ప‌వ‌ర్ స్టార్‌ ఫొటో లీక్.. స్టయిల్ మామూలుగా లేదుగా!

పవర్‌స్టార్ పవన్‌కళ్యాణ్ - ద‌ర్శ‌కుడు క్రిష్ కాంబోలో హిస్టారికల్ మూవీ రాబోతున్న విష‌యం తెలిసిందే. అత్యంత ప్ర‌తిష్టాత్మ‌కంగా రూపొందుతున్న ఈ మూవీ.. ఫ్యాన్స్ లో హై ఓల్టేజ్ క్యూరియాసిటీని క్రియేట్‌ చేస్తోంది. ఇప్ప‌టికే ప‌వ‌న్ గెట్ పై, సినిమా టైటిల్ పై వ‌స్తున్న రూమ‌ర్స్‌ ఎంతో ఆస‌క్తిని రేకెత్తిస్తుండ‌గా.. ఇప్పుడు సినిమా సెట్ నుంచి ప‌వ‌ర్ స్టార్ ఫొటో లీక్ కావ‌డం ఆశ్చ‌ర్యానికి గురిచేస్తోంది. ఇప్ప‌డు ఈ ఫొటో సోష‌ల్ మీడియాలో తెగ వైర‌ల్ అవుతోంది.

15 శ‌తాబ్దం నాటి ప‌రిస్థితుల ఆధారంగా  తెర‌కెక్కుతున్న‌ ఈ పీరియాడికల్ డ్రామాలో.. పవన్ బందిపోటు దొంగ‌ పాత్రను పోషిస్తున్నారు. ఈ చిత్రానికి 'హ‌రిహ‌ర వీర‌మ‌ల్లు' అనే టైటిల్ పరిశీలిస్తున్న విషయం కూడా తెలిసిందే. అంతేకాదు.. పవన్ గెటప్ కోసం ప్రత్యేక శ్రద్ధ తీసుకున్న క్రిష్‌.. అద్భుత‌మైన రూపాన్ని ఫైన‌ల్ చేశాడ‌ట‌. త్వ‌ర‌లోనే ఫ‌స్ట్ లుక్ కూడా రిలీజ్ చేయ‌బోతున్నార‌ని స‌మాచారం. పవన్ కెరీర్ లోనే హ‌య్యెస్ట్ బడ్జెట్ మూవీగా నిల‌వ‌బోతున్న ఈ మూవీని.. దాదాపు 170 కోట్ల రూపాయల వ్య‌యంతో తెర‌కెక్కించ‌బోతున్నార‌ట‌.

ప్ర‌స్తుతానికి 'పిఎస్‌పికె 27' వ‌ర్కింగ్ టైటిల్ గా ఉన్న ఈ చిత్రం షూటింగ్ హైదరాబాద్ శివార్లలో శరవేగంగా కొనసాగుతోంది. అయితే.. ఈ సినిమాకు 'హరిహర వీరమల్లు' అనే టైటిల్ ను పరిశీలిస్తున్నట్టు ప్రచారం జరుగుతోంది కాగా.. షూటింగ్ స్పాట్ నుంచి పవన్ లేటెస్ట్ పిక్ ఒకటి రిలీజ్ అయ్యింది. ఈ ఫొటోలో పవన్ పీరియాడికల్ లుక్‌లో కనిపిస్తున్నారు. ఈ దుస్తుల్లో పవన్ యోధుడిలా కనిపిస్తున్నారు.మహాశివరాత్రి సందర్భంగా మార్చి 11 న ఈ సినిమాకు సంబంధించిన ఫస్ట్ లుక్, టైటిల్ ను రిలీజ్ చేసేందుకు ప్లాన్ చేస్తున్నాడు దర్శకుడు క్రిష్. అయితే.. ఈలోగానే వచ్చిన ఈ పిక్.. ప్రస్తుతం సోషల్ మీడియాలో తెగ చక్కర్లు కొడుతోంది.

కాగా.. ఈ సినిమాలో జాక్వెలిన్ ఫెర్నాండెజ్, నిధి అగర్వాల్ హీరోయిన్లుగా నటిస్తున్నారు. అర్జున్ రాంపాల్ కీలక పాత్ర పోషిస్తున్నారని సమాచారం. ఎఎం రత్నం నిర్మిస్తున్న ఈ ప్రతిష్టాత్మక చిత్రానికి కీరవాణి సంగీతం సమకూర్చుతున్నారు. వచ్చే సంక్రాంతికి ఈ సినిమాను రిలీజ్ చేయడానికి ప్లాన్ చేస్తున్నారు మేకర్స్.