బాహుబలి-2 సినిమాతో పాటే ప్రభాస్ తర్వాత చేయబోయే సాహో సినిమా టీజర్ కూడా రిలీజ్ చేశారు. ఇట్స్ షో టైం అంటూ ప్రభాస్ చెప్పిన ఒకే ఒక్క డైలాగ్ కు అభిమానులు ఫ్లాట్ అయిపోయారు. దీనికితోడు బాహుబలి రిలీజైన ప్రతి భాషలోనూ అంచనాలకు అందని హిట్ అవడంతో ప్రభాస్ కు వరల్డ్ వైడ్ గా క్రేజ్ ఏర్పడింది. దాంతో సాహో సినిమాపై అంచనాలు విపరీతంగా పెరిగిపోయాయి.
ప్రభాస్ ఇమేజ్ ను దృష్టిలో పెట్టుకుని సాహో సినిమాను చాలా రిచ్ గా తెరకెక్కిస్తున్నారు. ఈ సినిమా కాన్సెప్ట్ ఏమిటనే దానిపై రకరకాల ఊహాగానాలు వస్తున్న తరుణంలో ఈ మూవీపై బజ్ మరింత పెంచేలా ఓ కొత్త న్యూస్ బయటకు వచ్చింది. సాహో లో ప్రభాస్ హై ప్రొఫైల్ పోలీస్ ఆఫీసర్ గా కనిపించనున్నాడు. స్టయిలిష్ పోలీస్ కు ఉండాల్సిన క్వాలిటీలన్నీ ప్రభాస్ లో పుష్కలంగా ఉన్నాయి. మోడ్రన్ పోలీస్ ఆఫీసర్ గెటప్ కు అతడు పర్ ఫెక్ట్ గా సూటవుతాడు. యాక్షన్ బేస్ డ్ ఎంటర్ టెయినర్ గా తెరకెక్కుతున్న ఈ మూవీ 2018 జూన్ నాటికి థియేటర్లకు రానుంది. ఇందులో బాలీవుడ్ నటుడు నీల్ నితిన్ ముఖేష్ మెయిన్ విలన్ గా నటిస్తున్నాడు. ఇతడితోపాటు అరుణ్ విజయ్ - జాకీ ష్రాఫ్ కూడా ప్రధాన పాత్రల్లో కనిపించనున్నారు.
రన్ రాజా రన్ ఫేం సుజిత్ దర్శకత్వంలో వస్తున్న సాహోలో హీరోయిన్ గా బాలీవుడ్ హీరోయిన్ శ్రద్ధకపూర్ నటిస్తోంది. బాహుబలి సినిమా తర్వాత ప్రభాస్ కు ఉత్తరాదిలోనూ క్రేజ్ పెరగడం.. ప్రధాన క్యారెక్టర్లు హిందీ నటులు చేస్తుండటంతో నార్త్ లోనూ ఈ సినిమాపై బాగా ఇంట్రస్ట్ పెరిగింది. యువీ క్రియేషన్స్ బ్యానర్ పై తెరకెక్కుతున్న ఈ మూవీ ప్రభాస్ కెరీర్ ను కొత్త మలుపు తిప్పుతుందని అతడి సన్నిహితులు అంటున్నారు.