'కంచె' బ్యూటీ ఇంకా ప్రయత్నిస్తూనే ఉంది

టాలీవుడ్‌ ప్రేక్షకులకు వరుణ్‌ తేజ్‌ 'కంచె' చిత్రంతో పరిచయం అయిన ముద్దుగుమ్మ ప్రగ్యా జైస్వాల్‌. ఈ అమ్మడు తెలుగులో స్టార్‌ హీరోయిన్‌ అవ్వడం ఖాయం అంటూ అంతా నమ్మకంగా అనుకున్నారు. పొడుకు, పర్సనాలిటీ, అందం అన్ని కూడా సమపాళ్లలో ఉన్న ప్రగ్యా జైస్వాల్‌ స్టార్‌ హీరోలకు మోస్ట్‌ వాంటెడ్‌ గా మారడం ఖాయంగా భావించారు. కాని అనూహ్యంగా ప్రగ్యాను టాలీవుడ్‌ స్టార్స్‌ కాని, డైరెక్టర్స్‌ కాని పట్టించుకోలేదు. ప్రగ్యా జైస్వాల్‌ కంచె సినిమా తర్వాత మంచి సినిమానే చేయలేదు.

మొదటి సినిమా తర్వాత ప్రగ్యాకు తప్పకుండా మంచి ఆఫర్లు వస్తాయని భావించారు. కాని ఒక్కటి అంటే ఒక్కటి కూడా ఈమె క్రేజ్‌ పెంచే సినిమా ఆఫర్లు రాలేదు. సినిమా ఆఫర్ల కోసం చాలానే ప్రయత్నించింది. వచ్చిన చిన్న చితకా ఆఫర్లకు కూడా ఓకే చెప్పి టాలీవుడ్‌ లో రాణించేందుకు ప్రయత్నించింది. కాని ఆమెకు మాత్రం ఆఫర్లు మెల్ల మెల్లగా తగ్గుతూ వచ్చాయి.

ప్రస్తుతం ఆమె చేతిలో అసలు సినిమాలే లేవు. ఒకటి రెండు చర్చల దశలో ఉన్నా అవి కూడా మొదలు అవుతాయో లేదో అనే అనుమానాలు వ్యక్తం అవుతున్నాయి. ఇలాంటి సమయంలో కూడా ప్రగ్యా జైస్వాల్‌ సినీ వర్గాల వారి దృష్టిని ఆకర్షించేందుకు ఫొటో షూట్‌ లను వదులుతూనే ఉంది. ఆమె సోషల్‌ మీడియా వాల్స్‌ పై వారంలో మూడు నాలుగు ఫొటో షూట్‌ స్టిల్స్‌ పోస్ట్‌ అవుతూనే ఉన్నాయి. ఆ ఫొటోలు చూసి అయినా ఎవరైనా ఆఫర్లు ఇస్తారేమో అనే ఆశతో ప్రగ్యా జైస్వాల్‌ ప్రయత్నాలు చేస్తూనే ఉంది. ఇప్పటికే ఔట్‌ డేటెడ్‌ అయిన ప్రగ్యా జైస్వాల్‌ కు ఈ ఫొటో షూట్‌ లతో ఆఫర్లు వస్తాయనేది అనుమానమే.