ఆయ‌న గారిని వంటింటి కుందేలిని చేసిన పీసీ!

కరోనా వైరస్ ప్ర‌పంచానికి ర‌క‌ర‌కాల పాఠాలు నేర్పిస్తోంది. మ‌హమ్మారీకి భ‌య‌ప‌డి ప్ర‌భుత్వాలు లాక్ డౌన్ ప్ర‌క‌టించేయ‌డంతో ఎవ‌రికి వారు ఇండ్ల‌నే ప్ర‌యోగశాల‌లుగా మార్చేస్తున్నారు. కొంద‌రు బాత్రూమ్ లు క‌డిగి కిచెన్ లో ప్ర‌యోగాలు చేస్తున్నారు. సెల‌బ్రిటీలు గ‌రిటె తిప్పేస్తూ నానా హైరానా ప‌డిపోతున్నారు.

ఇక అమెరికా కోడ‌లు ప్రియాంక చోప్రా ఏం చేస్తోంది? ఇంట్లో బుద్ధిగా వంట చేసి ఆయ‌న‌కు పెడుతోందా? అంటే ఇక్క‌డ సీన్ చూస్తుంటే అంతా రివ‌ర్సులోనే క‌నిపిస్తోంది. తాజాగా పీసీ ఓ ఇంట్రెస్టింగ్ వీడియోని అభిమానుల‌కు షేర్ చేసింది. ఈ వీడియోలో తాను క‌రోనాపై జ‌నాల్ని అలెర్ట్ చేసే టిప్ చెబుతోంది. అయితే తాను అలా చెబుతున్న‌ప్పుడు వంటింట్లో శ‌బ్ధాలు ఇర్రిటేట్ చేసేస్తున్నాయి. ఆ శ‌బ్ధం వింటుంటే విసుగొచ్చేస్తోంది. ``మనమంతా చేయగలిగినంత బెస్ట్ గా ప్రయత్నిస్తున్నామని నాకు తెలుసు`` అంటోంది పీసీ. ఆ మరుసటి క్షణం వంటగదిలో ఏదో కింద‌ పడిపోయిన‌ శబ్దం వినిపిస్తోంది. ఆ తర్వాత ప్రియాంక మాటల ప్రవాహానికి ప‌దే ప‌దే బ్రేక్ ప‌డిపోయింది.

ఇంత‌కీ అక్క‌డ ఏం జ‌రుగుతోంది? అంటే .. ఇట్టే గెస్ చేయొచ్చు. ఆయ‌న (నిక్ జోనాస్) గారు వంటింటి కుందేలుగా మారి వంట చేస్తున్నాడు. అస‌లే వంట కొత్త కావ‌డంతో గిన్నెల‌న్నీ చేజారిపోతున్నాయ‌న్న‌మాట‌. అప్పుడ‌ప్పుడు వంట చేస్తే ఇంతే మ‌రి. పెనం కాలుతుంది.. చేతుల్లో వ‌స్తువులు జారిపోతాయ్. అయినా పీసీ అమెరికా కోడ‌లు అయ్యి ఇన్నాళ్లు అయినా ఇంకా అత‌గాడికి వంట నేర్ప‌లేదా .. ఇదేం చోద్యం? అంటూ సాటి ప‌డ‌తులు కామెంట్ల‌తో విరుచుకుప‌డుతున్నారు. అయితే ``వంటంతా ఆయ‌న‌గారి ప‌నే.. నేను తింటాను అంతే!`` అన్న‌ట్టుగా మ‌రీ పీసీ ఇలా బిల్డ‌ప్ ఇవ్వాలా? అని ఒక సెక్ష‌న్ ఫ్యాన్స్ మూతి విరిచేస్తున్నారు. క్వాంటికో సిరీస్ త‌ర్వాత అమెరికాలోనే సినిమాలు చేస్తున్న పీసీ ఇటీవ‌ల బాలీవుడ్ లో కొన్ని సినిమాల‌కు సంత‌కాలు చేసింది. ప‌నిలో ప‌నిగా హాలీవుడ్ లో ఓ టీవీ సిరీస్ కి సంత‌కం చేసింద‌న్న ప్ర‌చారం సాగింది. క‌రోనా క‌ల్లోలం నేప‌థ్యంలో ఇంటికే అంకిత‌మైపోయింది పాపం. ఆ స‌మ‌యాన్ని ఇలా నిక్ తో స‌ర‌దాగా గడిపేస్తోంది.


వీడియో కోసం క్లిక్ చేయండి