పూరీ-బాల‌య్య మూవీ క్లైమాక్స్ రివీల్‌?

సెట్స్ మీద‌కు వ‌చ్చిన బాల‌య్య తాజా మూవీ ఇప్పుడు క్రేజీగా మారింది. పూరీ లాంటి ద‌ర్శ‌క‌త్వంలో ఆయ‌న న‌టిస్తున్న చిత్రం ఎలా ఉంటుందా? అన్న‌ది ఇప్పుడు అంద‌రికి ఆస‌క్తిక‌రంగా మారింది. సినిమా సెట్స్ మీద‌కు వ‌చ్చి రోజు గ‌డ‌వ‌క‌ముందే.. ఈ సినిమా క్లైమాక్స్ గురించి వివ‌రాలు బ‌య‌ట‌కు పొక్క‌టం ఆస‌క్తిక‌రంగా మారింది.

బాల‌య్య‌తో తాను తీయ‌నున్న సినిమా క‌థ‌ను రివీల్ చేసేందుకు ఆస‌క్తి ప్ర‌ద‌ర్శించ‌ని పూరీ తీరుతో.. ఈసినిమా క‌థేమిటో తెలుసుకోవాల‌న్న అతృత అంత‌కంత‌కూ పెరుగుతోంది. చిత్ర‌మైన విష‌యం ఏమిటంటే.. క‌థ బ‌య‌ట‌కు రాకుండా.. క్లైమాక్స్ మాత్రం బ‌య‌ట‌కు వ‌చ్చేయ‌టం. ఇప్పుడు వినిపిస్తున్న మాట‌ల ప్రకారం.. ఎమోష‌న‌ల్ గా సాగే ఈ చిత్రం క్లైమాక్స్ వ‌చ్చేస‌రికి కోర్టుకు చేరుకుంటుంద‌ని.. అక్క‌డ మ‌రింత ఆస‌క్తిక‌రంగా సాగుతుంద‌ని చెబుతున్నారు.

టెంప‌ర్ లో కోర్టు సీన్ ఎలా అయితే హైలెట్ అయ్యిందో.. బాల‌య్య మూవీలోనూ కోర్టు సీన్ అంతే హైలెట్ అవుతుంద‌ని.. ఇంకా చెప్పాలంటే అంత‌కు మించి ఉంటుంద‌న్న మాట వినిపిస్తోంది. ఈ మూవీ క్లైమాక్స్ న‌చ్చ‌టంతోనే బాల‌య్య ఓకే చెప్పార‌ని చెబుతున్నారు. సొంత క‌థ‌లతో ఈ మ‌ధ్య పూరీ తీసిన సినిమాలు పెద్ద‌గా ఆడ‌ని వేళ‌.. బాల‌య్య కోసం ప‌క్కాగా వ‌ర్క్ వుట్ చేసి మ‌రీ సిద్ధం చేసిన‌ట్లుగా తెలుస్తోంది. మ‌రీ.. మాట‌ల్లో నిజం ఎంత‌న్న‌ది సినిమా విడుద‌ల‌య్యాక మాత్ర‌మే తేల‌నుంది.

Like Us on Facebook : https://www.facebook.com/Tupakidotcom/