ఇజం కోసం పూరి లిరిక్ రైట‌ర‌య్యాడు

పూరి జ‌గ‌న్నాథ్ అంటే  ఓ  మంచి ద‌ర్శ‌కుడిగా - ర‌చ‌యిత‌గానే తెలుసు. ఆయ‌న‌లో న‌టుడు కూడా ఉన్నాడ‌న్న విష‌యం అప్పుడ‌ప్పుడు తెర‌పై క‌నిపించే కామియోల‌తో అర్థ‌మ‌వుతుంటుంది. బిజినెస్ మేన్ కోసం మ‌హేష్‌ తో క‌లిసి ఓ పాట కూడా పాడాడు. ఇంకా చెప్పాలంటే నిర్మాణంలోనూ ఆయ‌నకి చేయి వేసిన అనుభ‌వ‌ముంది. అయితే తాజాగా ఇంకో విష‌యంలోనూ ఆయ‌న త‌న టాలెంట్‌ని చూపించ‌డానికి సిద్ధ‌మ‌య్యాడు. ఇజం సినిమానే అందుకు వేదిక‌గా చేసుకొన్నాడు. క‌ళ్యాణ్‌ రామ్ క‌థానాయ‌కుడిగా న‌టిస్తున్న ఇజం కోసం పూరి లిరిక్ రైట‌ర్ అవ‌తారమెత్తాడు.

సినిమాలో ఓ కీల‌క‌మైన సంద‌ర్భంలో వ‌చ్చే పాట‌ని పూరి స్వ‌యంగా రాశాడ‌ట‌. ఆ పాట ఎందుకు రాయాల్సివ‌చ్చిందో, అదెలా ఉంటుందో త్వ‌ర‌లోనే మీడియాకి వివ‌రించబోతున్నాడ‌న్న‌మాట‌. ఇప్ప‌టికే పూరి జ‌గ‌న్నాథ్‌ ని ఆల్‌ రౌండ‌ర్ అంటున్నాం. త్వ‌ర‌లో  మ‌రొక టాలెంట్‌ని కూడా ప్ర‌ద‌ర్శించాడు కాబ‌ట్టి ఇక నిస్సందేహంగా ఆయ‌న ఆల్‌ రౌండ‌రే. ఇజంలో క‌ళ్యాణ్‌ రామ్‌ ని ఓ జ‌ర్నలిస్టుగా చూపించ‌బోతున్నాడు పూరి. క‌ళ్యాణ్‌ రామ్ స్వ‌యంగా నిర్మిస్తున్న ఈ చిత్రానికి సంబంధించి  మ‌రిన్ని అప్‌ డేట్స్ బ‌య‌టికి రాబోతున్నాయి.