హీరో కెరీర్లోనే హైయెస్ట్ వ్యూస్ దక్కించుకున్న పుష్ప..!

టాలీవుడ్ స్టార్ హీరో అల్లు అర్జున్ నటిస్తున్న లేటెస్ట్ మూవీ పుష్ప. బన్నీ పుట్టినరోజు సందర్బంగా ఏప్రిల్ 7న విడుదల చేసిన పుష్ప ఫస్ట్ గ్లింప్స్.. యూట్యూబ్ వేదికగా మిలియన్స్ వ్యూస్ తో దూసుకుపోతుంది. ఇప్పటికే పుష్పారాజ్ ఇంట్రడక్షన్ గ్లింప్స్ వీడియో.. రెండు రోజుల్లో 30మిలియన్స్ వీక్షణలతో పాటు 1మిలియన్ కు దగ్గరలో లైక్స్ దక్కించుకొని ట్రెండింగ్ లో ఉంది. ప్రస్తుతం అల్లు అర్జున్ కెరీర్ లోనే అత్యధిక వ్యూస్ రాబట్టుకున్న ఇంట్రడక్షన్ వీడియోగా రికార్డు దక్కించుకుంది. ప్రస్తుతం యూట్యూబ్‌లో అయితే ట్రెండింగ్ అవుతున్న వీడియోలలో పుష్ప గ్లింప్స్ అగ్రస్థానంలో ఉంది. “ది ఇంట్రడక్షన్ ఆఫ్ పుష్పా రాజ్” పేరుతో ఈ వీడియో అల్లు అర్జున్ అభిమానులకు భారీ ట్రీట్ ఇచ్చింది.

ఈ వీడియో సోషల్ మీడియాలో #Thagedhele అనే హ్యాష్‌ట్యాగ్‌తో వైరల్ అవుతోంది. తగ్గేదేలే అనేది సినిమాలోని ఓ డైలాగ్ (అంటే.. అసలు వెనక్కి తగ్గము అని అర్ధం). ఈ ఇంట్రడక్షన్ వీడియో ద్వారా డైరెక్టర్ సుకుమార్ బృందం పుష్పారాజ్ ను సినీ ప్రపంచానికి పరిచయం చేసింది. ఈ సినిమాలో ఎర్రచందనం స్మగ్లింగ్ చేసే ఓ గుంపు.. లారీడ్రైవర్ గా అల్లు అర్జున్ డ్రెస్సింగ్ స్టైల్, మేకోవర్ ఇవన్నీ కూడా ప్రేక్షకులను ఫిదా చేసాయనే చెప్పాలి.  విజువల్స్ పరంగా, యాక్షన్ సీక్వెన్స్ పరంగా పుష్ప అదిరిపోయే ట్రీట్ ఇవ్వనుందని అర్ధమవుతుంది. దేవిశ్రీ ప్రసాద్ సంగీతం అందిస్తున్న ఈ సినిమాలో రష్మిక మందన హీరోయిన్ గా నటిస్తోంది. మైత్రి మూవీ మేకర్స్ నిర్మిస్తున్న ఈ సినిమాతో బన్నీ పాన్ ఇండియా హీరోగా పరిచయం కాబోతున్నాడు. ఆగష్టు 13న సినిమా థియేట్రికల్ రిలీజ్ కానున్నట్లు ప్రకటించారు మేకర్స్.