సినిమాలను తెరకెక్కించడానికి ఎంత కష్టపడతారో.. దాన్ని జనాల్లోకి తీసుకెళ్లడానికి కూడా అంతే కష్టపడతారు మేకర్స్. ప్రచార వ్యూహాలు కూడా ఆ సినిమా థీమ్ కు తగినట్లుగానే ఉండేలా చూసుకుంటారు. లేకపోతే అంచనాల్లో తేడా వచ్చి.. రిజల్ట్ పై ఆ ప్రభావం ఉంటుందన్నది మేకర్స్ యోచన.
మరో మూడ్రోజుల్లో రాశి ఖన్నా లేటెస్ట్ మూవీ తొలిప్రేమ రిలీజ్ కానుంది. వరుణ్ తేజ్ హీరోగా నటించిన ఈ చిత్రానికి.. వెంకీ అట్లూరి దర్శకుడు. టైటిల్ తోనే ఈ చిత్రం ఏ జోనర్ లో ఉండనుందో చెప్పేశారు. ప్రమోషనల్ మెటీరియల్ చూస్తుంటే.. లవ్ స్టోరీస్ లో ఇదో స్పెషల్ మూవీగా నిలిచిపోతుందనే ఆశలు కల్పిస్తోంది. హీరో హీరోయిన్ల పాత్రలను డిజైన్ చేసిన తీరు కూడా ఆకట్టుకుంటోంది. మూడు టైం జోనర్లలో రాశి ఖన్నా కనిపించిన లుక్ కూడా బాగుందనే టాక్ వచ్చింది. అయితే.. తొలిప్రేమలో రాశి ఖన్నా పాత్ర పక్కింటి అమ్మాయి మాదిరిగా చాలా నిలకడగా కనిపిస్తోంది.
కానీ ఈ భామ తొలిప్రేమ ప్రమోషన్స్ లో మాత్రం ఇలాంటి లుక్ చూపించడం లేదు. గతంతో పోల్చితే బాగా చిక్కిన ఈ బ్యూటీ.. గ్లామర్ డోస్ ను తెగ కురిపించేస్తోంది. సినిమాలో అంత పద్దతిగా పక్కింటి పిల్లలా కనిపించి.. ప్రమోషన్లలో మాత్రం ఇలా రెచ్చిపోతే.. ఆడియన్స్ అపార్ధం చేసుకోరా.. అనే సందేహాలు వినిపిస్తున్నాయి. అఫ్ కోర్స్.. ఇప్పడివన్నీ వినిపించినా మూవీ అదరగొడితే మాత్రం.. అప్పుడివన్నీ ఎవరికీ గుర్తుకురావులే!