హీరోయిన్ కి మీడియా కష్టాలు

బాలీవుడ్ బ్యూటీ రాధికా అప్టే అంటే బోల్డ్ అండ్ బ్యూటిఫుల్ అనే సంగతి ఎవరైనా ఒప్పుకోవాల్సిందే. ఎవరో చెప్పాల్సిన పని లేదు.. ఈ విషయాన్ని స్వయంగా తనే చెప్పేయగల తెగువ కూడా ఆమెకు ఉంది. కెరీర్ మొదట్లో తెలుగులో కూడా నటించింది ఈ భామ. రక్త చరిత్ర.. లెజెండ్.. ధోనీ వంటి సినిమాలలో మెరిసిన రాధికా ఆప్టే.. ఆ తర్వాత ఓ సమయంలో టాలీవుడ్ పై వివాదాస్పద వ్యాఖ్యలు చేసింది. ఆ తర్వెతప్పుడూ టాలీవుడ్ వైపు రాలేదు.

అయితే.. ఈమెకు ఇప్పుడు మీడియా కష్టాలు వచ్చాయట. ఛానెల్స్ ఎక్కువైపోయి ఏదో ఒక వివాదాన్నే పట్టుకుని పాకులాడ్డం.. ఒక్క క్లిక్ కోసం వెంటబడే ఫోటోగ్రాఫర్స్ నుంచి తప్పించుకునేందుకు పాట్లు.. హీరోయిన్స్ కు ఇప్పటికే అలవాటు అయిపోయాయి. అయితే.. ఇప్పుడు వచ్చిన కష్టం సోషల్ మీడియాతో. కొంత కాలం క్రితం ఈమె ఫేస్ బుక్ అకౌంట్ హ్యాక్ అవగా.. ఎలాగోలా కష్టపడి మళ్లీ తన స్వాధీనం చేసుకుంది. ఇప్పుడు మళ్లీ తన ఫేస్ బుక్ అకౌంట్ హ్యాక్ అయిందని చెబుతోంది రాధికా అప్టే. "నా ఫేస్ బుక్ అకౌంట్ మరోసారి హ్యాకింగ్ కు గురయింది. దయచేసి ఎవరూ మెసెంజర్ లో నాకు మెసేజ్ లు చేయవద్దు.. థ్యాంక్యూ" అంటూ ట్వీట్ చేసింది రాధికా అప్టే.

ఒక ప్లాట్ ఫాం హ్యాక్ అయితే.. దాన్ని చెప్పేందుకు మరో సోషల్ మీడియా ప్లాట్ ఫాం ఉపయోగించుకోవడం విశేషం. ప్రస్తుతం రాధికా అప్టే తమిళ్.. హిందీ చిత్రాలతో పాటు.. రెండు ఇంగ్లీష్ సినిమాల్లో కూడా నటిస్తుండడం విశేషం. రెండేళ్ల వరకూ ఈమె డైరీ ఖాళీ లేదంటూ.. రాధిక ఎంత ఫుల్ బిజీ అనే సంగతి అర్ధమవుతుంది.