స్నేహితుడికి మాటిచ్చా.. నిల‌బెట్టుకుంటున్నా

రాజ్ త‌రుణ్ .. హ్యాట్రిక్ హీరోగా తెర‌పైకి దూసుకొచ్చాడు. ఎలాంటి బ్యాక్‌ గ్రౌండ్ లేకుండా కేవ‌లం స‌క్సెస్‌ తో స్టార్‌ డ‌మ్‌ ని విస్త‌రించ‌డం సాధ్య‌మేన‌ని నిరూపించిన హీరో. కోటి పైగా పారితోషికం అందుకుంటున్నాడ‌న్న టాక్ న‌డుస్తోందిప్పుడు. అయితే ఓ సామాన్యుడికి ఇదెలా సాధ్యం అన్న క‌న్ఫ్యూజ‌న్‌ లో ఉందీ ప్ర‌పంచం. అంద‌రూ క‌న్ఫ్యూజ‌న్ నుంచి బైటికి రాక‌ముందే వ‌రుస‌గా సినిమాలు చేసుకుంటూ ముందుకు దూసుకుపోతున్నాడు ఈ కుర్ర‌హీరో.

ఉయ్యాల జంపాల‌ - సినిమా చూపిస్త మావ‌ - కుమారి 21 ఎఫ్ సినిమాల‌తో వ‌రుస విజ‌యాలు అందుకుని త‌దుప‌రి సినిమాలో న‌టించేస్తున్నాడు. సీత‌మ్మ అందాలు రామయ్య సిత్రాలు అనే ఇంట్రెస్టింగ్ టైటిల్‌ తో తాజా సినిమా తెర‌కెక్కుతోంది. అస‌లు ఈ ప్రాజెక్టు ఎలా మెటీరియ‌లైజ్ అయ్యింది? అన్న ప్ర‌శ్న‌కు రాజ్ త‌రుణ్ చెప్పిన స‌మాధానం ఇంట్రెస్టింగ్‌. ఈ చిత్ర ద‌ర్శ‌కుడు శ్రీ‌నివాస్ గ‌విరెడ్డి నా స్నేహితుడు. ఉయ్యాల జంపాల సినిమాకి అసిస్టెంట్ డైరెక్ట‌ర్‌ గా ప‌నిచేశాడు. ఆ సినిమా టైమ్‌ లోనే నా స్నేహితుడికి ప్రామిస్ చేశాను. త‌న‌తో సినిమా చేస్తాన‌ని మాటిచ్చాను. నాకు క‌థ కూడా చెప్పాడు. కేవ‌లం న‌న్ను మాత్ర‌మే దృష్టిలో పెట్టుకుని రాసుకున్న క‌థ ఇది. కె.వి.శ్రీ‌ధ‌ర్ రెడ్డి - శైలేంద్ర‌బాబు నిర్మాత‌లుగా ఈ సినిమాని సెట్స్‌ కి తీసుకెళ్లాం... అని చెప్పాడు.

స్నేహానికి విలువిచ్చిన గొప్ప స్నేహితుడు రాజ్ త‌రుణ్‌. అది సంగతి.