బ్రహ్మానందం కొడుక్కి బ్రేక్ అవుట్ తో బ్రేక్ వస్తుందా?

తెలుగు సినిమా చరిత్రలో బ్రహ్మానందం యొక్క పాత్ర.. ప్రాముఖ్యత చాలా గొప్పది అనడంలో ఎలాంటి సందేహం లేదు. సినిమా ఇండస్ట్రీలో ప్రస్తుతం ఉన్న స్టార్స్ లో ఎక్కువ శాతం మంది స్టార్స్‌ కిడ్స్.. అయినా కూడా టాలీవుడ్ లెజెండ్‌ బ్రహ్మానందం తనయుడు గౌతమ్ కి మాత్రం స్టార్‌ డమ్ దక్కలేదు. బ్రహ్మానందం కొడుకు గా సినిమాల్లో ఎంట్రీ ఇచ్చిన గౌతమ్ సక్సెస్‌ అవ్వలేదు.

రాజా గౌతమ్ ఎన్నో సినిమా ల్లో నటించినా కూడా హీరోగా మాత్రం ఆశించిన స్థాయిలో గుర్తింపు దక్కలేదు. వరుసగా సినిమా ల్లో నటిస్తూ ఉన్నా కూడా గౌతమ్ కి మంచి సక్సెస్‌ దక్కలేదు.

సినిమా ల్లో వరుసగా ఫ్లాప్ లతో గౌతమ్ కొంత కాలం పాటు సినిమాలకు దూరం అయ్యాడు. నటుడిగా మరియు హీరోగా గౌతమ్‌ సక్సెస్ అవ్వక పోవడంతో సినిమాలకు దూరం ఉండటం ఉత్తమం అనే అభిప్రాయం వ్యక్తం అవుతోంది.

ఈయన సినిమా చేయక చాలా ఏళ్లు అవుతుంది. ఇన్నాళ్లకు మళ్లీ ఒక ప్రయత్నం ను రాజా గౌతమ్‌ చేయబోతున్నాడు. బ్రేక్ అవుట్‌ అనే సినిమా తో ప్రేక్షకుల ముందుకు రాబోతున్నాడు.

సుబ్బు చెరుకూరి దర్శకత్వంలో రూపొందిన ఈ థ్రిల్లర్ సినిమా ఫస్ట్‌ లుక్ విడుదల చేశారు. చాలా విభిన్నంగా చూడగానే ఆసక్తి కలిగించేలా ఫస్ట్‌ లుక్ ఉందంటూ కామెంట్స్ వస్తున్నాయి.

అదృష్టం కలిసి రాకపోవడంతో ఇన్నాళ్లు చేసిన సినిమాలు ఫ్లాప్ అవ్వగా బ్రేక్ అవుట్ సినిమా పై రాజా గౌతమ్‌ నమ్మకంతో ఉన్నట్లుగా తెలుస్తోంది. నటుడిగా ఈ సినిమా ఆయనకు నిలిచి పోతుందేమో చూడాలి. బ్రహ్మానందం కొడుకుగా ఆయనకు మంచి గుర్తింపు అయితే ఎప్పటికీ ఉంటుంది. కానీ ఈ సినిమా తో ఆయనకు నటుడిగా బ్రేక్‌ వస్తుందా అనేది చూడాలి.