అగ్ర దర్శకుడు రాజమౌళి వేరే డైరెక్టర్లను, హీరోలను పొగడ్డానికి ఏమాత్రం సంశయించడు. తనకు వేరే సినిమాలు నచ్చితే ఏ భేషజాలు లేకుండా ప్రశంసలు కురిపిస్తాడు. తన ‘బాహుబలి’ సినిమా ఇంకా థియేటర్లలో ఉండగానే ఈ శుక్రవారం ప్రేక్షకుల ముందుకొచ్చి బ్లాక్ బస్టర్ టాక్ తెచ్చుకున్న ‘శ్రీమంతుడు’ సినిమాను ఆకాశానికెత్తేశాడు జక్కన్న. విడుదల రోజు ప్రసాద్ ఐమాక్స్ లో కుటుంబంతో కలిసి ఆయన ‘శ్రీమంతుడు’ సినిమా చూడటం విశేషం. తనతో పాటు తన కుటుంబ సభ్యులందరికీ ‘శ్రీమంతుడు’ విపరీతంగా నచ్చిందని రాజమౌళి ట్విట్టర్లో తెలిపాడు.
‘‘మా ఫ్యామిలీలో అందరం శ్రీమంతుడు సినిమాను భలే ఎంజాయ్ చేశాం. శ్రీమంతుడు బ్లాక్ బస్టర్ విజయంతో సాధించడంలో భాగస్వాములైన ప్రతి ఒక్కరికీ కంగ్రాచులేషన్స్. పల్లెటూరిని దత్తత తీసుకోవడం అనే కాన్సెప్టుతో.. ఫ్యామిలీ సెంటిమెంటును మిక్స్ చేయడంలోనే శ్రీమంతుడు సక్సెస్ దాగి ఉంది. చాలా బాగా చేశారు శివగారూ. ఐతే పైసా వసూల్ చేసిందంతా మహేషే. అతను చాలా కూల్ గా కనిపించాడు. తక్కువ మాట్లాడాడు. నటనతోనే అంతా చేయాల్సిందంతా చేశాడు. సినిమా మీద మహేష్ ఎఫెక్ట్ అద్భుతం. శ్రుతి హాసన్ కూడా అదరగొట్టింది. ఆమె గత సినిమాలతో పోలిస్తే చాలా మెరుగైంది. మధి సినిమాటోగ్రఫీ డైరెక్టర్ విజన్ ను మరింత అందంతా తెరపైకి తెచ్చింది’’ అంటూ శ్రీమంతుడు సినిమా మీద ప్రశంసల జల్లు కురిపించాడు జక్కన్న. రాజమౌళి లాంటి అగ్ర దర్శకుడి మాటలు ‘శ్రీమంతుడు’ ప్రమోషన్ కు భలేగా కలిసొస్తాయనడంలో సందేహం లేదు.
‘‘మా ఫ్యామిలీలో అందరం శ్రీమంతుడు సినిమాను భలే ఎంజాయ్ చేశాం. శ్రీమంతుడు బ్లాక్ బస్టర్ విజయంతో సాధించడంలో భాగస్వాములైన ప్రతి ఒక్కరికీ కంగ్రాచులేషన్స్. పల్లెటూరిని దత్తత తీసుకోవడం అనే కాన్సెప్టుతో.. ఫ్యామిలీ సెంటిమెంటును మిక్స్ చేయడంలోనే శ్రీమంతుడు సక్సెస్ దాగి ఉంది. చాలా బాగా చేశారు శివగారూ. ఐతే పైసా వసూల్ చేసిందంతా మహేషే. అతను చాలా కూల్ గా కనిపించాడు. తక్కువ మాట్లాడాడు. నటనతోనే అంతా చేయాల్సిందంతా చేశాడు. సినిమా మీద మహేష్ ఎఫెక్ట్ అద్భుతం. శ్రుతి హాసన్ కూడా అదరగొట్టింది. ఆమె గత సినిమాలతో పోలిస్తే చాలా మెరుగైంది. మధి సినిమాటోగ్రఫీ డైరెక్టర్ విజన్ ను మరింత అందంతా తెరపైకి తెచ్చింది’’ అంటూ శ్రీమంతుడు సినిమా మీద ప్రశంసల జల్లు కురిపించాడు జక్కన్న. రాజమౌళి లాంటి అగ్ర దర్శకుడి మాటలు ‘శ్రీమంతుడు’ ప్రమోషన్ కు భలేగా కలిసొస్తాయనడంలో సందేహం లేదు.