పవన్ పై రజనీ కామెంట్!

సునీల్ హీరోగా నటించిన 'కృష్ణాష్టమి' సినిమా ఇటీవలే విడుదలయ్యింది. ఈ సినిమా ప్రమోషన్లో బాగంగా ఇచ్చిన ఓ ఇంటర్వ్యూలో సునీల్ - సూపర్ స్టార్ రజనీకాంత్ పవన్ కళ్యాన్ పై చేసిన కామెంట్ గురించి చెప్పారు. గతంలో సునీల్ - రజనీకాంత్ తో కలిసి 'కథానాయకుడు' సినిమాలో నటించాడు. ఈ సినిమా షూటింగ్ జరుగుతున్న సమయంలో పేపర్ లో ప్రచురింప బడ్డ ‘జల్సా’ సినిమాలోని పవన్ స్టిల్ ను చూసిన రజనీ ఆ ఫోటోను సునీల్ కు చూపెడుతూ ఆ ఫోటోలోని వ్యక్తి ఎప్పటికైనా తెలుగు ప్రజలను షేక్ చేసే సూపర్ స్టార్ అవుతాడని తనతో కామెంట్ చేసిన విషయాన్ని బయట పెట్టాడు సునీల్.

అయితే మీరెలా అంచనా వేయగలరని సునీల్ అడిగితే ఆయన నవ్వుతూ.. తన అంచనాలు ఎప్పుడూ తప్పవు అని కామెంట్ చేసారని ఆనాటి విషయాన్ని గుర్తుకు తెచ్చుకున్నాడు సునీల్. రీసెంట్ గా రజనీని 'లింగా' షూటింగ్ లో కలిసిన సునీల్ తో ఆయన ఆనాడు పవన్ పై చేసిన కామెంట్స్ ను గుర్తుకు చేస్తూ తన అంచనాలు నిజం అయ్యాయి కదా..! అని చెప్పుకొచ్చారట!