కెరీర్‌ని ప్లాన్‌ చేసుకోవడంలో రకుల్‌ప్రీత్‌ సింగ్‌ తర్వాతే ఎవరైనా. వరుసగా స్టార్‌ హీరోలతో కలిసి నటించే అవకాశాల్ని చేజిక్కించుకొంటోంది. ఎన్ని సినిమాలొచ్చినా సరే.. నో చెప్పకుండా ఒప్పుకొంటోంది. అందుకు తగ్గట్టుగానే రేయింబవళ్లు కష్టపడి పనిచేస్తుంది. ప్రస్తుతం ఆమె రవితేజ సరసన 'కిక్‌2'లో నటిస్తోంది. ఆ సినిమాలోని చివరిపాటని చిత్రీకరిస్తున్నారు. రవితేజ, రకుల్‌ కలిసి ఆడిపాడే ఆ పాటని రాత్రిపూట తెరకెక్కిస్తున్నారు. గురువారం రాత్రంతా ఆ పాటని షూట్‌ చేశారట. రాత్రిపూట షూటింగ్‌ అన్నప్పుడు చుట్టూ వాతావరణం కిక్కిచ్చేలా ఉండాలి కదా. అలాంటి కిక్కు రకుల్‌కి దొరికిందట. ఆడిపాడుతున్న పాటే ఫుల్‌ కిక్కిచ్చేలా ఉందని ఆమె చెబుతోంది. సురేందర్‌ రెడ్డి దర్శకత్వంలో తెరకెక్కుతున్న 'కిక్‌2'ని మే నెలలోనే ప్రేక్షకుల ముందుకు తీసుకొస్తారు.