రాధా రకుల్ తో ప్రభాస్ ?

బాహుబలి తర్వాత ప్రభాస్ చేస్తున్న సాహో అంచనాలకు ఏ మాత్రం తగ్గని స్థాయిలో షూటింగ్ జరుపుకుంటోంది. విడుదల వచ్చే ఏడాది ఏప్రిల్ దాకా ఉండేలా లేదు. దీంతో ఫ్యాన్స్ కొంత నిరాశ చెందినా భారీ కాన్వాస్ కాబట్టి తమ హీరోకు మరో బ్లాక్ బస్టర్ వస్తుంది కదా అని సర్దుకుని చెప్పుకున్నారు. ఇక దీంతో పాటు సమాంతరంగా ప్రభాస్ నటించబోయే మరో సినిమాకు కూడా రంగం సిద్ధమవుతోంది. గోపీచంద్ తో జిల్ తీసిన దర్శకుడు రాధాకృష్ణ రూపొందించబోయే సినిమాకు హీరోయిన్ గా రకుల్ ప్రీత్ సింగ్ పేరు పరిశీలనలో ఉందట. ఈ ఇద్దరి కాంబోలో ఇప్పటి దాకా సినిమా రాలేదు. సో ఆ రకంగా కూడా ప్లస్ అవుతుంది కాబట్టి ఆ మేరకు సంప్రదింపులు జరిపినట్టు సమాచారం. కానీ ఫైనల్ చేసింది లేనిది ఇంకా తెలియాల్సి ఉంది. పీరియాడిక్ డ్రామాగా డిఫరెంట్ బ్యాక్ డ్రాప్ లో రూపొందబోయే ఈ సినిమా షూటింగ్ ప్రారంభించే తేదీ ఫైనల్ కాలేదు.

సాహో దుబాయ్ షెడ్యూల్ పూర్తి చేసుకున్నాక హైదరాబాద్ లో కీలక పార్ట్ కోసం ప్లానింగ్ లో ఉంది. కంప్యూటర్ గ్రాఫిక్స్ కి చాలా ప్రాధాన్యం ఉన్న నేపధ్యంలో వాటికోసం నాలుగు నెలలకు పైగా కేటాయించబోతున్నారు. ఇప్పటికైతే ఏప్రిల్ 2019 రిలీజ్ అనే టాక్ ఉంది. రన్ రాజా రన్ తర్వాత కేవలం ప్రభాస్ కోసమే నాలుగేళ్లు వెయిట్ చేసిన దర్శకుడు సుజిత్ దానికి తగ్గ ఫలితం అందుకోవడం కోసం బాగానే కష్టపడుతున్నాడు. శ్రద్ధ కపూర్ హీరోయిన్ గా పరిచయమవుతున్న ఈ మూవీ బాలీవుడ్ గ్యాంగ్ భారీగా ఉంది. మల్టీ లాంగ్వేజ్ లో రూపొందుతున్న సాహో పూర్తి కాకముందే రాధాకృష్ణ సినిమా స్టార్ట్ అవ్వడం మాత్రం ఖాయం. జిల్ లో  స్టైలిష్ మేకింగ్ తో ఆకట్టుకున్న రాధాకృష్ణ ప్రభాస్ ని గతంలో చూపని ఓ సరికొత్త పాత్రలో చూపించబోతున్నాడు అనే వార్త ఇప్పటికే ఫ్యాన్స్ ని తెగ ఊరిస్తోంది.