యారితో విధేయ రామ సీతలు

మరో వారం రోజుల వ్యవధిలోనే వస్తున్న వినయ విధేయ రామ కోసం మెగా ఫ్యాన్స్ కౌంట్ డౌన్ మొదలుపెట్టేసారు. ఈ సీజన్ లో అత్యంత భారీ సినిమాగా ప్రేక్షకుల ముందుకు వస్తున్న ఈ మూవీ మీద వంద కోట్ల దాకా పెట్టుబడులు జరిగాయి. మాస్ ప్రేక్షకులను టార్గెట్ చేయడంతో పాటు రంగస్థలం తర్వాత మూవీగా దీని మీద హైప్ మాములుగా లేదు. పోటీ ఎంత ఉన్నా దీని ఎడ్జ్ విడిగా ఉంది. ఇకపోతే ప్రమోషన్ లో భాగంగా విధేయ రాముడు సీతతో సహా యారిని కలుసుకున్నాడు. అదేనండి నెంబర్ వన్ యారి షోని నడిపిస్తున్న దగ్గుబాటి రానాతో దీని తాలుకు షూటింగ్ ఇవాళ చేసారు. ప్రోమోలు కూడా రేపో ఎల్లుండో వదలనున్నారు.

సాధారణంగా మీడియాకు ఇచ్చే ఇంటర్వ్యూలతో పాటు చరణ్ ఇలాంటి ప్రత్యేకమైన షోల కోసం ప్లాన్ చేసుకుంటున్నాడు. చరణ్ దీనికి రావడానికి మరో ప్రత్యేకమైన కారణం ఉంది. సినిమా కన్నా ఎక్కువగా రానా చెర్రికి చిన్ననాటి ప్రాణ స్నేహితుడు. ఇద్దరు కలిసి ఎంత క్లోజ్ గా ఉంటారో దగ్గరి నుంచి చూసిన వాళ్ళకు అనుభవమే. రానా చాలా సార్లు తమ స్నేహం గురించి ఎన్నో ఇంటర్వ్యూలలో చెప్పాడు. అందుకే ఉభయకుశలోపరి తరహాలో అటు సినిమా ప్రమోషన్ ఇటు రానా ఫ్రెండ్ షిప్ షో రెండు పూర్తి చేసుకోవచ్చన్న మాట.

అన్నట్టు మన విధేయ రాముడితో సీత కీయరా అద్వాని కూడా షోలో పాల్గొంది. భరత్ అనే నేను బ్లాక్ బస్టర్ తర్వాత చేసిన మూవీ కావడంతో తనకూ దీని మీద చాలా హోప్స్ ఉన్నాయి. ఇది కూడా బ్లాక్ బస్టర్ కొడితే పాప రేంజ్ ఎక్కడికో వెళ్ళిపోతుంది. బోయపాటి మాస్ కు దేవిశ్రీప్రసాద్ మేజిక్ తోడవ్వడంతో బజ్ అంతకంతకకూ పెరుగుతూ పోతోంది. ఈ యారి షోలో ఎలాంటి సర్ప్రైజు చరణ్ కీయరాలు షేర్ చేసుకుంటారో చూడాలి