మణి సార్ తో మెగా హీరో కన్ఫామ్??

అప్పుడెప్పుడో మెటీరియలైజ్ అవ్వాల్సిన సినిమా ఒకటి ఇప్పుడు తిరిగి పట్టాలెక్కుతోంది అంటే అవుననే అంటోంది సాంబార్ ల్యాండ్. చాలా రోజుల క్రితం లెజండరీ డైరక్టర్ మణిరత్నం తెలుగు సూపర్ స్టార్ రామ్ చరణ్‌ దగ్గరకు ఒక కథతో వచ్చాడు. ఆ కథను హ్యాండిల్ చేసే మెట్యూరిటీ తనకు లేదంటూ అప్పట్లో చెర్రి ఆ సినిమాను పక్కనెట్టేశాడు. ఆ తరువాత ఎవరి సినిమాల్లో వారు బిజీగా ఉన్నారు.

ఒక ప్రక్కన మణిరత్నం తాను తీసిన చెలియా సినిమా పోస్ట్ ప్రొడక్షన్ వర్కులో బిజీగా ఉంటే.. ఇటు రామ్ చరణ్‌ త్వరలో సుకుమార్ డైరక్షన్లో మొదలవ్వబోయే సినిమా కోసం కసరత్తులు చేస్తున్నాడు. అయితే మొన్ననే చెన్నయ్ లో మణి సార్ ఆఫీసులో సడన్ గా దర్శనమిచ్చాడట రామ్ చరణ్‌. అప్పటికే కథ డ్రాఫ్ట్ ఒకటి ఆయన పంపడంతో.. దానిని చదివేసి.. కర్టసీగా ఆయన్ను కలిశాడట మన హీరో. ఇంతలోనే ఆ కథలో ఇతర మార్పులు చేర్పులు యాడ్ అయిపోవడం.. ఆ సినిమాకు చరణ్‌ ఓకె చెప్పేయడం కూడా జరిగిపోయాయ్ అంటున్నాయి తమిళ మీడియా సంస్థలు.

మణిరత్నం తదుపరి సినిమాను తమిళ్ అండ్ తెలుగులో రామ్ చరణ్‌ హీరోగా తీస్తున్నారంటూ ఇప్పుడు రూమర్లు హల్చల్ చేస్తున్నాయి. ఒకవేళ నిజంగానే సుకుమార్ సినిమా పూర్తవ్వగానే చరణ్‌ ఆయనతో పనిచేస్తాడా? ఏమోలే.. సంవత్సరానికి ఒక్క సినిమాను మాత్రమే చేస్తున్న ఈ మెగా హీరో.. చేసినా చేస్తాడు!!

Like Us on Facebook : https://www.facebook.com/Tupakidotcom/