చెర్రీ మాటపై మెగా ఫ్యాన్స్ టెన్షన్

మణిరత్నం- రామ్ చరణ్.. ఈ కాంబినేషన్ చాలా కాలంగా వినిపిస్తోంది కానీ.. ఇప్పటివరకూ వర్కవుట్ కాలేదు. మెగా పవర్ స్టార్ నుంచి లవ్ స్టోరీ వచ్చి చాలా కావడం.. ప్రేమకథలను క్లాసిక్స్ గా మలిచే మణిరత్నం ట్యాలెంటెడ్ టెక్నీషియన్ కావడంతో.. వీరి కాంబోపై మొదట అభిమానుల్లో కూడా ఆసక్తి కనిపించింది.

కానీ ఇప్పుడు ఈ కాంబినేషన్ అనగానే మెగా ఫ్యాన్స్ ఉలిక్కిపడుతున్నారు. నిజానికి మణిరత్నం రీసెంట్ డిజాస్టర్ చెలియాలో రామ్ చరణ్ నటించాల్సి ఉంది. అంతా సెట్ అయిన తర్వాత కూడా ఇతర ప్రాబ్లెమ్స్ తో చెర్రీ తప్పుకోవడం.. లక్కీ అనాల్సిందే. అయితే.. 'చేసిన సినిమాలన్నీ వ్యాపార కోణంలోనే ఉండకూడదు. పది కాలాల పాటు గుర్తుండిపోయే సినిమాలు కూడా చెయ్యి' అని మణి రత్నం చెప్పడంతోనే.. ధృవ లాంటి ఎక్స్ పెరిమెంట్ చేశానని గతంలో చెప్పాడు మెగాపవర్ స్టార్. సుకుమార్ తర్వాత మణిరత్నంతో మూవీ స్టార్ట్ చేసే అవకాశాలున్నాయని కూడా టాక్.

అక్కడే ఫ్యాన్స్ కంగారు పడిపోతున్నారు. మెగా హీరోలు ఓసారి కమిట్మెంట్ ఇచ్చాక.. వాళ్లు ఫ్లాప్ ఇచ్చినా సినిమాలు చేయడం ఆనవాయితీ. సురేందర్ రెడ్డితో ధృవ అలాగే చేశాడు చరణ్. ఇలాంటి ఎగ్జాంపుల్స్ చాలానే ఉంటాయ్ కానీ.. మళ్లీ ఇప్పుడు మాట నిలబెట్టేసుకోవడం కోసం మణిరత్నంతో చరణ్ సినిమా చేసేస్తాడా అని కంగారు పడుతున్నారు మెగాఫ్యాన్స్. స్టోరీలు పాతవే అయినా.. ట్రీట్మెంట్ అయినా కొత్తగా లేకపోతే ఈ కాలం ఆడియన్స్ తిప్పికొట్టేస్తారు కదా.. అదీ వాళ్ల భయం.

Like Us on Facebook : https://www.facebook.com/Tupakidotcom/