మణిరత్నం సినిమా పూర్తిగా క్యాన్సిలే

మన దేశంలో కమర్షియల్ సక్సెస్ కు ఉన్న విలువ మరిదేనికి లేదు. వారు ఎంతటి దర్శకులైనా సరే ఎవరైనా సరే అది ఉండవలిసిందే. మన వాళ్ళు మంచి కథా బలం ఉన్న సినిమాలు రావటంలేదు అంటారు.. తీసేవాళ్ళు వచ్చి అడిగితే నానుస్తారు. అది కమర్షియల్ సినిమా కాకపోతే ఆ సినిమా ప్రభావం తరవాత సినిమా పై పడుతుంది అనే భయంతో ఇలా చేస్తారులే.

కొన్నాళ్లు క్రితం మణిరత్నం – రామ్ చరణ్ కాంబినేషన్లో ఒక సినిమా రావలిసి ఉంది. మణిరత్నం అప్పుడు అంతగా సక్సెస్ లో లేరు. అప్పుడే విడుదలైన ‘కడలి’ బాక్స్ ఆఫీసు వద్ద తేరుకోలేని విధంగా ఫ్లాప్ అయ్యింది. దానితో రామ్ చరణ్ సినిమా వాయిదా వేశారు. ఇండియా గర్వించదగ్గ దర్శకుడుకి కూడా ఇటువంటి పాట్లు రావడం నిజంగా దురదృష్టం. ఆ తరువాత మళ్ళీ మణిరత్నం ‘ఒకే బంగారం’ సినిమాతో  తనదైన శైలిలో సినిమా తెరను అందంగా అలంకరించి అందరినీ ఆనందపరిచారు. అప్పుడు మళ్ళీ  మణిరత్నం – రామ్ చరణ్ కాంబినేషన్  వార్తలోకి వచ్చింది. ఇప్పుడు మళ్ళి మణి సర్ సినిమా ‘చెలియా’  ఫాన్స్ కు కాని సినిమా అభిమానులుకు కాని అంతగా అలరించలేక పోవడంతో.. చెర్రీ సినిమా అటకెక్కేసింది.

ఇప్పటికే సుకుమార్ డైరక్షన్ లో ఒక ప్రయోగం చేస్తున్న చరణ్ ఆలోచనలో పడ్డాడట. వెంటనే మళ్ళీ మణిరత్నం సినిమా ఐతే కమర్షియల్ సుక్కెస్ వస్తుందో రాదో అనే మీమాంశలో ఉన్నాడట. అయితే ఇప్పుడు పూర్తిగా ఆ సినిమాను క్యాన్సిల్ చేసినట్లే తెలుస్తోంది.

Like Us on Facebook : https://www.facebook.com/Tupakidotcom/