మెగా ఫ్యామిలీలో మూడో సిక్స్ ప్యాక్

సిక్స్ ప్యాక్ ట్రెండ్ ఎప్పుడో స్టార్ట్ అయింది. దాన్ని టాలీవుడ్ లో ట్రెండింగ్ చేసిన హీరో మాత్రం అల్లు అర్జునే. బన్నీ తర్వాత చాలామంది టాలీవుడ్ హీరోలు సిక్స్ ప్యాకులు చూపించేశారు. కానీ సాయిధరం తేజ్ వరకూ మెగా హీరో ఎవరూ ప్యాకుల కోసం ప్రయత్నాలు చేయలేదు. బన్నీ-తేజుల తర్వాత.. ఇప్పుడు సిక్స్ ప్యాక్ మెగా హీరోల్లో మూడోవాడిగా అవతరించాడు మెగా పవర్ స్టార్.

రామ్ చరణ్ లేటెస్ట్ మూవీ ధృవ థియేట్రికల్ ట్రైలర్ ఎంత స్టైలిష్ గా ఉన్నా.. ఇంకెంతో డిఫరెంట్ గా ఉన్నా.. స్టైలిష్ మేకింగ్ తో ఆకట్టుకున్నా.. అన్నిటికంటే మిన్నగా ఉన్నది ఫస్ట్ విజువల్. ట్రైలర్ తొలి షాట్ లోనే చెర్రీని సిక్స్ ప్యాక్ తో చూపించాడు సురేందర్ రెడ్డి. పైగా సిక్స్ ప్యాక్ అంటే.. ఆ ప్యాక్స్ కనిపించడంతో సరిపెట్టేయలేదు. కంప్లీట్ అథ్లెటిక్ బాడీతో.. సిక్స్ ప్యాక్ చేశాడు చరణ్. ఇతర హీరోల కంటే ఆ లుక్ అంత పర్ఫెక్ట్ గా ఉండడానికి కారణం అదే. చెర్రీ ప్యాకుల విజువల్ ఫ్రంట్ యాంగిల్ నుంచి చూపించలేదు దర్శకుడు సురేందర్ రెడ్డి. ఆ ఫ్రేమింగ్ ని థియేటర్లోనే చూసి ఫ్యాన్స్ ని థ్రిల్ చేయాలన్నది ఇతని ఆలోచన.

ధృవ ట్రైలర్ లో మరో స్పెషాలిటీ ఉంది. కనీసం ఒక్క పాటను కూడా ట్రైలర్ లో జత చేయకపోవడం ఆశ్చర్యం కలిగించే విషయం. చరణ్ లాంటి డ్యాన్సింగ్ స్టార్ సినిమాకి.. ఒక్క పాటను కూడా(ధృవ థీమ్ వినిపించిందిలే) కనీసం వినిపించకుండా ట్రైలర్ ఇచ్చారంటేనే.. ధృవ మూవీపై యూనిట్ ఎంత నమ్మకంగా ఉందో అర్ధమవుతుంది.