సర్కార్ 3లో కెజ్రీవాల్ ఉన్నాడంటగా..

దర్శకుడు రామ్ గోపాల్ వర్మ కెరీర్ లో సర్కార్ కి ప్రముఖ స్థానం ఉంటుంది. ఆ పాత్రలో బాలీవుడ్ మెగాస్టార్ అమితాబ్ ను ఆవిష్కరించిన తీరు.. సర్కార్ సిరీస్ లో ఇతర యాక్టర్లు-వారి పాత్రలు అందరి మైండ్ లో రిజిస్టర్ అయిపోయి పర్మనెంట్ గా ఉండిపోతాయి. ఇక ఆయా యాక్టర్లను బట్టి రియల్ లైఫ్ లో ఎవరో ఒకరిని ప్రతిబింబించేలా వర్మ సృష్టించే పాత్రలు సెన్సేషనల్ అవుతుంటాయి.

ట్యాలెంటెడ్ ఆర్టిస్ట్ మనోజ్ బాజ్ పాయ్-వర్మ కాంబినేషన్ ఎప్పుడూ సెన్సేషనే. సత్య మూవీలో చేసిన బీకు మాత్రే పాత్ర మనోజ్ బాజ్ పాయ్ విపరీతమైన గుర్తింపు తెచ్చి పెట్టి.. కేరక్టర్ ఆర్టిస్ట్ గా పర్మనెంట్ ప్లేస్ సెట్ చేసింది. ఇప్పుడు వీరిద్దరి కాంబినేషన్ మరోసారి రిపీట్ కానుంది. అమితాబ్ తో తను తీస్తున్న సర్కార్ 3కి పాత్రలు పరిచయం చేసిన వర్మ.. మనోజ్ పాత్రను కూడా రివీల్ చేశాడు. 'సర్కార్3లో నా పాత శత్రువు మనోజ్ బాజ్ పాయ్.. గోవింద్ దేశ్ పాండే పాత్రను పోషిస్తున్నాడు. బాగా విసుగెత్తిపోయే పాత్ర కాగా.. కేజ్రీవాల్ కి వయొలెంట్ వెర్షన్ లా ఉంటుంది' అంటూ ట్వీట్ చేశాడు వర్మ.

ఓ రాష్ట్ర ముఖ్యమంత్రి పాత్ర టైపులో.. అందులోనూ వయొలెంట్ వెర్షన్ సిద్ధం చేశానని చెప్పడంతోనే.. సర్కార్ 3లో వర్మ ఏ రేంజ్ ఎలిమెంట్స్ మిక్స్ చేయనున్నాడో అర్ధం చేసుకోవచ్చు. వర్మను మళ్లీ ట్రాక్ లో పెట్టే మూవీ సర్కార్ 3 అంటూ.. ఇప్పటికే బాలీవుడ్ లో ఎక్స్ పెక్టేషన్స్ స్టార్ట్ అయిపోయాయి.

Like Us on Facebook : https://www.facebook.com/Tupakidotcom/