వ‌ర్మ కొత్త దేవ‌త‌.. ప్రియాంక గాంధీ

రామ్ గోపాల్ వ‌ర్మకు అమ్మాయిలంటే ఎంత ప్రేమో కొత్త‌గా చెప్పాల్సిన ప‌ని లేదు. అందులోనూ శ్రీదేవి అంటే అత‌డికి చ‌చ్చేంత ఇష్టం. శ్రీదేవిపై త‌న‌కున్న ఆరాధ‌న‌ను ప‌లుమార్లు బ‌య‌ట‌పెట్టుకున్నాడు వ‌ర్మ‌. తాజాగా ఆమెపై త‌న ఇష్టాన్ని మ‌రోసారి ప్ర‌కటించాడు. అలాగే సినీ తార‌లు కాకుండా త‌న‌కు వేరే రంగాల్లోని అమ్మాయిల్లో ఎవ‌రు ఎక్కువ ఇష్ట‌మో కూడా చెప్పాడు వ‌ర్మ‌. క‌మెడియ‌న్ ఆలీ బుల్లితెర‌పై నిర్వ‌హించే ఓ కార్య‌క్ర‌మంలో వ‌ర్మ ఈ విష‌య‌మై ఆస‌క్తిక‌ర వ్యాఖ్య‌లు చేశాడు.

తనకు మళ్లీ జన్మంటూ ఉంటే భోనీ కపూర్ లాగా పుట్టించాలని దేవుడ్ని కోరుకుంటానని చెప్ప‌డం ద్వారా శ్రీదేవి అంటే త‌న‌కెంత ఇష్ట‌మో చెప్పిన వ‌ర్మ‌.. గ్లామ‌ర్ ఫీల్డులో శ్రీదేవితో పాటు జ‌య‌సుధ అన్నా త‌న‌కెంతో అభిమాన‌మ‌ని చెప్పాడు. ఇక వేరే రంగాల్లోని అమ్మాయిల్లో ఎవ‌రిష్టం అన్న ప్ర‌శ్న‌కు జ‌వాబుగా ముందుగా సోనియా గాంధీ త‌న‌యురాలు ప్రియాంక గాంధీ పేరును వ‌ర్మ చెప్ప‌డం విశేషం. అలాగే అండర్ వరల్డ్ డాన్ దావూద్ ఇబ్రహీం కూతురన్నా.. ఒసామా బిన్ లాడెన్ మనవరాళ్ల‌న్నా కూడా ఎంతో ఇష్టమని వ్యాఖ్యానించాడు. త‌మ మనసులో ఉన్న మాట చెప్పడానికి చాలామంది సందేహిస్తార‌ని.. కానీ తాను అలా కాదని.. మనసులో ఏది ఉటే అదే చెబుతాన‌ని.. తాను మ‌హిళ‌ల్ని ఎంత‌గానో ఆరాధిస్తాన‌ని వ‌ర్మ చెప్పాడు.

Like Us on Facebook : https://www.facebook.com/Tupakidotcom/