జయలలితగా రమ్యకృష్ణ?

ఈ మధ్య కాలంలో సినీరంగం బయోపిక్ ల వెంటపడుతోంది. ముఖ్యంగా క్రీడాకారులు - రాజకీయ నేతల జీవితాలను తెరపైకి ఎక్కించడానికి డైరెక్టర్లు ఉత్సాహం చూపిస్తున్నారు. అలా వచ్చిన సినిమాలు విజయవంతం అవుతున్నాయి కూడా.  ధోనీ - మిల్కాసింగ్ - మేరీ కోమ్.. వంటివారిపై సినిమాలు ఇప్పటికే వచ్చాయి. కొన్ని సినిమాల్లో నటించిన వ్యక్తులు ఆ పాత్రలకు కరెక్టుగా నప్పితే కొన్ని సినిమాల్లో మాత్రం ఆ పాత్రలకు నటులకు పొంతనే ఉండడం లేదు. అలాంటి సందర్భాల్లోనే ప్రేక్షకులు ఈ పాత్రలో ఫలానా యాక్టర్ అయితే బాగుండేది అనుకుంటారు. సోషల్ మీడియాలో ఇప్పుడు ఇదే ట్రెండ్ నడుస్తోంది. ఫలానా పాత్రకు ఫలానా యాక్టర్ అయితే బాగుంటుందంటూ పోస్టర్లు క్రియేట్ చేసి పెడుతున్నారు. ఫుల్లీ ఫిల్మీ పేరుతో చేస్తున్న ఈ పోస్టింగులు వైరల్ గా మారుతున్నాయి.
    
మలాలా పాత్రలో సమంత ..  రాహుల్ ద్రవిడ్ పాత్రలో విజయ్..  జయలలిత వేషంలో రమ్యకృష్ణ.. ఇలా చాలా పోస్టర్లు ఇప్పటికే సోషల్ మీడియాను ఊపేస్తున్నాయి.  
    
సినిమా టైటిల్ తో పాటు అందులో లీడ్ రోల్ ఎవరు చేస్తే బావుంటుందో కూడా సచిత్రంగా చూపెడుతూ.. డైరెక్టర్ ని కూడా సజెస్ట్ చెయ్యడం ఫుల్లీ ఫిల్మీ స్పెషాలిటీ. తెలుగు, తమిళ్ స్టార్స్ ని, వాళ్ళ అభిమానులను, సినిమా పరిశ్రమని కూడా అట్రాక్ట్ చేస్తున్న తాజా పిక్స్ కొన్ని..  ఫుల్లీ ఫిల్మీ  వర్కింగ్ స్టైల్ ని రిఫ్లెక్ట్ చేస్తున్నాయి.

Like Us on Facebook : https://www.facebook.com/Tupakidotcom/