కొడుకుతో క‌లిసి ర‌మ్య‌కృష్ణ ర్యాంప్ వాక్‌

మొన్నే ఓ జ్యువెల‌రీ కంపెనీ కోసం ఓ ఫొటో షూట్ చేసింది ర‌మ్య‌కృష్ణ‌. ఆ ఫొటో షూట్లోనే తొలిసారి ఆమెను చూసిన వాళ్ల‌ను త‌న వ‌య‌సెంతో అడిగితే ఏ పాతికో ముప్ప‌య్యో అంటారేమో. కానీ ప్ర‌స్తుతం ఆమె వ‌య‌సు 48 ఏళ్లు. ద‌శాబ్దాలుగా ర‌మ్య‌కృష్ణ‌ను చూస్తున్న వాళ్ల‌కు కూడా ఇది ఆశ్చ‌ర్యం క‌లిగించే విష‌య‌మే. ద‌ర్శ‌కుడు కృష్ణ‌వంశీని పెళ్లాడిన ర‌మ్య‌కు ప‌దేళ్ల వ‌య‌సున్న కొడుకు కూడా ఉన్నాడు. ఐతే ఆ పిల్లాడితో ర‌మ్య కానీ.. కృష్ణ‌వంశీ కానీ.. బ‌య‌ట క‌నిపించింది చాలా చాలా త‌క్కువ‌.

ఐతే తాజాగా చెన్నైలో జ‌రిగిన ఓ కార్య‌క్ర‌మంలో త‌న కొడుకుతో క‌లిసి సంద‌డి చేసింది ర‌మ్య‌. ఓ సామాజిక కార్య‌క్ర‌మంలో భాగంగా చేప‌ట్టిన ఈ కార్య‌క్ర‌మంలో త‌న కొడుకు రిత్విక్ తో క‌లిసి ర్యాంప్ వాక్ చేసింది ర‌మ్య‌. ఇలా ర‌మ్య‌ను కొడుకుతో క‌లిసి చూసేస‌రికి అక్క‌డి జ‌నాలంతా ఆశ్చ‌ర్య‌పోయారు.

13 ఏళ్ల వ‌య‌సులోనే న‌ట‌న‌లోకి అడుగుపెట్టిన ర‌మ్య చంద్ర‌లేఖ సినిమా షూటింగ్ సంద‌ర్భంగా కృష్ణ‌వంశీతో ప్రేమ‌లో ప‌డ‌టం.. 2003లో వీళ్లిద్ద‌రూ పెళ్లి చేసుకోవ‌డం తెలిసిందే. హీరోయిన్ గా అవ‌కాశాలు త‌గ్గిపోయాక డ‌ల్ అయిపోయిన ర‌మ్య కెరీర్.. గ‌త ఏడాది బాహుబ‌లిలో శివ‌గామి పాత్ర‌లో క‌నిపించాక మ‌ళ్లీ ఊపందుకుంది. దాని త‌ర్వాత సోగ్గాడే చిన్నినాయ‌నాతో మ‌రో హిట్ కొట్టిన ర‌మ్య ప్ర‌స్తుతం తెలుగు-త‌మిళ భాష‌ల్లో అర‌డ‌జ‌ను దాకా సినిమాల్లో న‌టిస్తోంది.