రమ్యకృష్ణ రాజకీయాల్లోకి రాబోతోందా?

సినిమాల్లో మంచి పేరు.. డబ్బు సంపాదించాక చాలామందికి రాజకీయాల వైపు మనసు మళ్లుతుంది. ముఖ్యంగా దక్షిణాదిన చాలామంది తారలు తమ ఫిల్మ్ కెరీర్ ముగిశాక రాజకీయాల వైపు మళ్లిన వాళ్లే. ఇందుకు హీరోయిన్లు కూడా మినహాయింపేమీ కాదు. జయప్రద.. జయసుధ.. రోజా.. ఖుష్బు లాంటి వాళ్లు రాజకీయాల్లో కొత్త ఇమేజ్ సంపాదించుకున్నవాళ్లే. ఈ కోవలో రమ్యకృష్ణ కూడా చేరే అవకాశాలు లేకపోలేదు. సినీ రంగంలో ఇప్పటికీ తన ప్రత్యేకతను చాటుకుంటున్న రమ్యకృష్ణ తజాగా ఒక ఇంటర్వ్యూలో మాట్లాడుతూ.. రాజకీయాల ప్రస్తావన వచ్చినపుడు ఆసక్తికర వ్యాఖ్యలు చేసింది.

రాజకీయాల్లోకి వచ్చే ఉద్దేశం ఉందా అని అడిగితే.. ‘‘ఏది జరగాలని ఉంటే అది జరుగుతుందన్నది నా అభిప్రాయం. ఒకవేళ రాజకీయాల్లోకి రావాలని రాసి పెట్టి ఉంటే వచ్చేస్తానేమో. ఒకటి మాత్రం చెప్పగలను. రాజకీయాల్లోకి రాకుండా కూడా మంచి పనులు చేయొచ్చు. ఒకవేళ నేను రావడం ద్వారా ప్రజలకు ఏదైనా మంచి జరుగుతుందని రాసి పెట్టి ఉంటే.. వస్తానేమో’’ అంటూ నర్మగర్భమైన వ్యాఖ్యలు చేసింది రమ్య. రాజకీయాల్లోకి రావాలనే కోరిక లేనపుడు.. సింపుల్ గా నో చెప్పేసి ఉండొచ్చు. కానీ ఇలా అటు ఇటుగా మాట్లాడుతోందంటే ఆమెకు ఆ ఆలోచనలు ఉన్నాయేమో. ‘బాహుబలి’ సినిమాతో తిరుగులేని ఇమేజ్ సంపాదించిన రమ్యకృష్ణ.. ఈ ఊపులో వచ్చే ఎన్నికలకు ముందు రాజకీయ రంగప్రవేశం చేసినా ఆశ్చర్యం లేదేమో.

Like Us on Facebook : https://www.facebook.com/Tupakidotcom/