బాలీవుడ్ అంద‌గాడు మనోడికి ముద్దు పెట్టేశాడు

బాలీవుడ్లో చిన్న హీరోగా ప్ర‌స్థానం మొద‌లుపెట్టి మూణ్నాలుగేళ్ల‌లో స్టార్ హీరో అయిపోయాడు ర‌ణ్వీర్ సింగ్. ప్ర‌స్తుతం అమ్మాయిల్లో అత‌డికి మామూలు క్రేజ్ లేదు. బ‌బ్లీ హీరో ర‌ణ‌బీర్ క‌పూర్ ను వెన‌క్కి నెట్టేసి మోస్ట్ హ్యాండ్స‌మ్ హీరోల్లో ఒక‌డిగా పేరు తెచ్చుకున్నాడు ఆ అంద‌గాడు అక్కినేని యంగ్ అండ్ హ్యాండ్స‌మ్ హీరో అక్కినేని అఖిల్ కు ముద్దు పెట్టేశాడు. ఈ మ‌ధ్యే శ్రియ భూపాల్ తో ఎంగేజ్మెంట్ చేసుకున్న అఖిల్.. అనుకోకుండా ర‌ణ్వీర్ సింగ్ ను క‌లిశాడు.

ఆ సంద‌ర్భంగా త‌న‌కు ర‌ణ్వీర్ ఘాటు ముద్దిస్తుండ‌గా సెల్ఫీ తీసి.. దాన్ని సోష‌ల్ మీడియాలో షేర్ చేశాడు అఖిల్. ఎక్క‌డ క‌లిసింది.. ఎప్పుడు క‌లిసింది చెప్ప‌లేదు కానీ.. యూ ఆర్ క్రేజీ బ్యూటీ.. థాంక్స్ ఫర్ ది లవ్ బ్రదర్ అంటూ ట్వీట్ చేశాడు. రణ్వీర్ హెయిర్ స్టైల్ కూడా త‌న‌కు బాగా న‌చ్చేసింద‌ని అఖిల్ పేర్కొన్నాడు. దీనికి ముందు మ‌రో బాలీవుడ్ సూప‌ర్ స్టార్ హృతిక్ రోష‌న్ ను సైతం అఖిల్ మీట‌య్యాడు. అఖిల్ బాబుకి బాలీవుడ్లో మంచి ప‌రిచ‌యాలే ఉన్నాయి. అత‌ను త‌న తొలి క‌మ‌ర్షియ‌ల్ (టైటాన్ వాచ్‌) హిందీలోనే చేసిన సంగ‌తి తెలిసిందే. ఆ త‌ర్వాత మౌంటైన్ డ్యూ యాడ్ కూడా చేశాడు అఖిల్.


Like Us on Facebook : https://www.facebook.com/Tupakidotcom/