పోస్టర్ టాక్‌: అదుగో.. రవిబాబు షాకిచ్చాడు

ఎప్పటినుండో తాను ఒక పంది పిల్ల (పిగ్లెట్)తో తీస్తున్న సినిమా గురించి చెబుతూనే ఉన్నాడు రవిబాబు. మొన్నామధ్యన ఓ ఏటిఎం క్యూలో డబ్బుల కోసం నుంచుని కూడా మనోడు ఈ పిగ్లెట్ ను వదల్లేదు. ఆ విధంగా సినిమాకు ఫుల్లు పబ్లిసిటీ కల్పించాడు. ఇప్పుడు ఫస్ట్ లుక్ తో ఇంకా షాకిచ్చాడు.

అక్కడ ఒక చిట్టి పిగ్లెట్.. పైనేమో దానిని కట్ చేయడానికి రెడీగా పెట్టిన ఒక కత్తి.. దానిపై దిస్ సమ్మర్ అని రాయడం.. అంటే సమ్మర్లో ఈ పంది పిల్లను ఒక ఏటులో లేపేస్తారనమాట. ఆ మీనింగ్ తో అసలు రవిబాబు అసలు తన ''అదుగో'' సినిమా ఫస్ట్ లుక్ పోస్టర్ రిలీజ్ చేయడం అనేదే చాలా షాకింగ్ గా ఉంది. హ్యాపీ న్యూ ఇయర్ అని చెబుతూ మనోడు ఇలాంటి ఫీట్లు చేస్తే.. అసలు జనాలు ఎలా రియాక్ట్ అవుతారో చూస్కోండి.

క్రియేటివ్ డైరక్టర్ గా పేరుగాంచిన రవిబాబు.. ఈ మద్య కాలంలో పెద్ద హిట్లేమీ కొట్టట్లేదు. మరి కొందరికి ఫెంగ్ షూయ్ కలిసొచ్చినట్లు.. కొందరకి న్యూమరాలజీ దశ మార్చినట్లు.. ఈయనకు పంది పిల్ల ఏమన్నా లక్కును తెస్తుందా? చూద్దాం!!

Like Us on Facebook : https://www.facebook.com/Tupakidotcom/