మెగా పవర్ స్టార్ రామ్ చరణ్ హీరోగా అగ్ర దర్శకుడు శంకర్ ఓ భారీ సినిమా తెరకెక్కిస్తున్న సంగతి తెలిసిందే. దిల్ రాజు సమర్పణలో శ్రీ వెంకటేశ్వర క్రియేషన్స్ బ్యానర్ పై శిరీష్ ఈ చిత్రాన్ని నిర్మిస్తున్నారు. ఇది శంకర్ శైలి సందేశాత్మక అంశాలతో కూడిన పొలిటికల్ యాక్షన్ థ్రిల్లర్ అని చాలా రోజులుగా వార్తలు వినిపిస్తున్నాయి. అయితే ఈ కథ శంకర్ రెడీ చేసింది కాదనే ఓ ఇంట్రెస్టింగ్ న్యూస్ ఒకటి బయటకు వచ్చింది.
శంకర్ - చరణ్ కాంబోలో రూపొందుతున్న పాన్ ఇండియా చిత్రానికి కోలీవుడ్ విలక్షణ దర్శకుడు కార్తీక్ సుబ్బరాజు స్టోరీ అందిచారు. ఈ విషయాన్ని ఇటీవల ఓ ఇంటర్వ్యూలో ఆయనే స్వయంగా వెల్లడించారని తెలుస్తోంది. ''శంకర్ సార్ కి నా దగ్గర ఉన్న ఓ పొలిటికల్ డ్రామా కథ చెప్పాను. ఆయన దానిని తీసుకుంటా అన్నారు. ఓకే చెప్పాను. స్టోరీ మాత్రమే నాది దానికి స్క్రీన్ ప్లే - డైలాగ్స్ అన్ని ఆయనే రాసుకున్నారు. తనదైన శైలిలో డెవలప్ చేసుకున్నారు. ఆ సినిమానే రామ్ చరణ్ తో తెరకెక్కిస్తున్నారు. నేను ఆ ప్రాజెక్ట్ గురించి ఎగ్జైట్‌ గా ఉన్నాను'' అని కార్తీక్ సుబ్బరాజు తెలిపారు.
కార్తీక్ సుబ్బరాజు గతంలో 'పిజ్జా' 'జిగర్తాండ' ('గద్దలకొండ గణేష్' మాతృక) 'పేట' 'జగమే తంత్రం' వంటి చిత్రాలతో తనకంటూ ప్రత్యేకమైన గుర్తింపు తెచ్చుకున్నారు. తండ్రీకొడుకులు విక్రమ్ - ధృవ్ విక్రమ్ లతో కార్తీక్ తెరకెక్కించిన 'మహాన్' సినిమా ఈ గురువారం అమెజాన్ ప్రైమ్ వీడియో వేదికగా ప్రేక్షకుల ముందుకు రాబోతోంది. వైవిధ్యమైన సినిమాలు డైరెక్ట్ చేసిన టాలెంటెడ్ డైరెక్టర్ కార్తీక్ సుబ్బరాజు.. ఇప్పుడు RC15 సినిమాలో భాగం అవుతుండటంతో అంచనాలు మరింతగా పెరుగుతున్నాయి.
ఇకపోతే ఈ సినిమాలో రామ్ చరణ్ సరసన బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. అంజలి - సునీల్ - శ్రీకాంత్ - జయరామ్ - నవీన్ చంద్ర తదితరులు ఇతర కీలక పాత్రలు పోషిస్తున్నారు.
ఎస్ ఎస్ థమన్ ఈ చిత్రానికి సంగీతం సమకూరుస్తుండగా.. బుర్రా సాయి మాధవ్ డైలాగ్స్ రాస్తున్నారు. తిరు సినిమాటోగ్రఫీ అందిస్తున్నారు. ఇది శంకర్ కు ఫస్ట్ స్ట్రెయిట్ తెలుగు సినిమా. పాన్ ఇండియా స్థాయిలో పలు భారతీయ భాషల్లో విడుదల చేయనున్నారు.
దిల్ రాజు ప్రొడక్షన్ లో రూపొందే 50వ చిత్రం కావడంతో ఖర్చుకు ఏమాత్రం వెనకాడకుండా.. భారీ బడ్జెట్ తో ప్రతిష్టాత్మకంగా నిర్మిస్తున్నారు. అన్నీ అనుకున్నట్లు జరిగితే 2023 సంక్రాంతికి ఈ మూవీ ప్రేక్షకుల ముందుకు రానుందని నిర్మాత ఈ మధ్య ప్రకటించారు. ఇప్పటికే ఈ సినిమాకి సంబంధించి ముంబై - పుణెలలో రెండు షెడ్యూల్స్ షూటింగ్ పూర్తయింది. ఈ నెలలోనే RC15 తదుపరి షెడ్యూల్ చిత్రీకరణ ప్రారంభం కానుందని సమాచారం.
శంకర్ - చరణ్ కాంబోలో రూపొందుతున్న పాన్ ఇండియా చిత్రానికి కోలీవుడ్ విలక్షణ దర్శకుడు కార్తీక్ సుబ్బరాజు స్టోరీ అందిచారు. ఈ విషయాన్ని ఇటీవల ఓ ఇంటర్వ్యూలో ఆయనే స్వయంగా వెల్లడించారని తెలుస్తోంది. ''శంకర్ సార్ కి నా దగ్గర ఉన్న ఓ పొలిటికల్ డ్రామా కథ చెప్పాను. ఆయన దానిని తీసుకుంటా అన్నారు. ఓకే చెప్పాను. స్టోరీ మాత్రమే నాది దానికి స్క్రీన్ ప్లే - డైలాగ్స్ అన్ని ఆయనే రాసుకున్నారు. తనదైన శైలిలో డెవలప్ చేసుకున్నారు. ఆ సినిమానే రామ్ చరణ్ తో తెరకెక్కిస్తున్నారు. నేను ఆ ప్రాజెక్ట్ గురించి ఎగ్జైట్‌ గా ఉన్నాను'' అని కార్తీక్ సుబ్బరాజు తెలిపారు.
కార్తీక్ సుబ్బరాజు గతంలో 'పిజ్జా' 'జిగర్తాండ' ('గద్దలకొండ గణేష్' మాతృక) 'పేట' 'జగమే తంత్రం' వంటి చిత్రాలతో తనకంటూ ప్రత్యేకమైన గుర్తింపు తెచ్చుకున్నారు. తండ్రీకొడుకులు విక్రమ్ - ధృవ్ విక్రమ్ లతో కార్తీక్ తెరకెక్కించిన 'మహాన్' సినిమా ఈ గురువారం అమెజాన్ ప్రైమ్ వీడియో వేదికగా ప్రేక్షకుల ముందుకు రాబోతోంది. వైవిధ్యమైన సినిమాలు డైరెక్ట్ చేసిన టాలెంటెడ్ డైరెక్టర్ కార్తీక్ సుబ్బరాజు.. ఇప్పుడు RC15 సినిమాలో భాగం అవుతుండటంతో అంచనాలు మరింతగా పెరుగుతున్నాయి.
ఇకపోతే ఈ సినిమాలో రామ్ చరణ్ సరసన బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. అంజలి - సునీల్ - శ్రీకాంత్ - జయరామ్ - నవీన్ చంద్ర తదితరులు ఇతర కీలక పాత్రలు పోషిస్తున్నారు.
ఎస్ ఎస్ థమన్ ఈ చిత్రానికి సంగీతం సమకూరుస్తుండగా.. బుర్రా సాయి మాధవ్ డైలాగ్స్ రాస్తున్నారు. తిరు సినిమాటోగ్రఫీ అందిస్తున్నారు. ఇది శంకర్ కు ఫస్ట్ స్ట్రెయిట్ తెలుగు సినిమా. పాన్ ఇండియా స్థాయిలో పలు భారతీయ భాషల్లో విడుదల చేయనున్నారు.
దిల్ రాజు ప్రొడక్షన్ లో రూపొందే 50వ చిత్రం కావడంతో ఖర్చుకు ఏమాత్రం వెనకాడకుండా.. భారీ బడ్జెట్ తో ప్రతిష్టాత్మకంగా నిర్మిస్తున్నారు. అన్నీ అనుకున్నట్లు జరిగితే 2023 సంక్రాంతికి ఈ మూవీ ప్రేక్షకుల ముందుకు రానుందని నిర్మాత ఈ మధ్య ప్రకటించారు. ఇప్పటికే ఈ సినిమాకి సంబంధించి ముంబై - పుణెలలో రెండు షెడ్యూల్స్ షూటింగ్ పూర్తయింది. ఈ నెలలోనే RC15 తదుపరి షెడ్యూల్ చిత్రీకరణ ప్రారంభం కానుందని సమాచారం.