బాల‌య్య రైతు గురించి అలా క‌న్ఫ‌మ్ చేశారు

నంద‌మూరి బాల‌కృష్ణ త‌న వందో సినిమా ‘గౌత‌మీపుత్ర శాత‌క‌ర్ణి’ పూర్తి కాక‌ముందే త‌ర్వాతి సినిమాకు చ‌క‌చ‌కా స‌న్నాహాలు చేసుకుంటున్నాడు. త‌న 101వ సినిమాగా కృష్ణ‌వంశీ ద‌ర్శ‌క‌త్వంలో ‘రైతు’ చేయ‌బోతున్న‌ట్లు బాల‌య్య ఇంత‌కుముందే ప్ర‌క‌టించిన సంగ‌తి తెలిసిందే. తాజాగా ఆయ‌న మ‌రోసారి క‌న్ఫ‌ర్మేష‌న్ ఇచ్చారు. బుధ‌వారం బాల‌య్య రామోజీ ఫిలిం సిటీలో ‘స‌ర్కార్-3’ షూటింగ్ లో పాల్గొంటున్న అమితాబ్ బ‌చ్చ‌న్ ను క‌లిసిన సంగ‌తి తెలిసిందే. ఆ సంద‌ర్భంలో బాల‌య్య వెంట కృష్ణ‌వంశీ కూడా ఉండ‌టం విశేషం. డిసెంబ‌ర్లోనే ‘రైతు’ సెట్స్ మీదికి వెళ్తుంద‌ని కృష్ణ‌వంశీ నుంచి క‌న్ఫ‌ర్మేష‌న్ వ‌చ్చింది.

ఐతే బాల‌య్య‌-కృష్ణ‌వంశీ క‌లిసి అమితాబ్ బ‌చ్చ‌న్ ను క‌ల‌వ‌డానికి ప్ర‌త్యేక కార‌ణం ఉండొచ్చ‌న్న ఊహాగానాలు కూడా వినిపిస్తున్నాయి. త‌న త‌ర్వాతి సినిమాలో అతిథి పాత్ర పోషించాల‌ని బాల‌య్య‌.. బిగ్‌-బిని అడిగాడ‌ని కూడా ఒక ప్ర‌చారం మొద‌లైపోయింది సోష‌ల్ మీడియాలో. ఈ నేప‌థ్యంలోనే క‌థ బ్రీఫింగ్ ఇవ్వ‌డం కోసం కృష్ణ‌వంశీని వెంట తీసుకెళ్లిన‌ట్లుగా చ‌ర్చించుకుంటున్నారు. ఆ సంగ‌తెలా ఉన్నా బాల‌య్య‌-అమితాబ్-వ‌ర్మ‌-కృష్ణ‌వంశీల‌ను ఒక ఫ్రేమ్ లో చూడ‌టం జ‌నాల‌కు మంచి అనుభూతినిచ్చింది. ఈ రోజు సోష‌ల్ మీడియాలో ప్ర‌ధానంగా ఈ క‌ల‌క‌యిక గురించే చ‌ర్చ జ‌రిగింది.

Like Us on Facebook : https://www.facebook.com/Tupakidotcom/