బ్రేకప్ గొడవంతా ఆ సినిమా గురించే!

బాలీవుడ్ ప్రేమ జంట రణవీర్ సింగ్- దీపికా పదుకొనేల మధ్య స్ట్రాంగ్ లవ్ స్టోరీ నడుస్తున్న విషయం తెలిసిందే. అయితే ఈ ఇద్దరి మధ్యా తేడాలొచ్చేశాయని.. లవ్ స్టోరీ కూడా బ్రేకప్ చెప్పేసుకునే సిట్యుయేషన్ వచ్చేసిందనే టాక్ గట్టిగానే వినిపిస్తోంది. దీనికి కారణం.. బేఫికర్ మూవీలో వాణికపూర్ తో రణవీర్ మరీ శృతి మించడమే కారణం అంటూ కూడా చెప్పేస్తున్నారు.

అయితే.. అసలు విషయం వేరే ఉందని తెలుస్తోంది. ఇప్పుడు సంజయ్ లీలా భన్సాలీ డైరెక్షన్ లో షాహిద్ కపూర్- దీపికా పదుకొనే జంటగా ఓ పీరియాడిక్ మూవీ తెరకెక్కనుంది. ఇందులో రణవీర్ సింగ్ కూడా నటించనున్నాడు. కానీ ఈ సినిమాలో దీపికాతో పాటు కలిసి నటించే సన్నివేశాల్లో రణవీర్ కంటే షాహిద్ కే స్క్రీన్ స్పేస్ ఎక్కువ. ఇదే రణవీర్ ను కొంచెం ఇబ్బంది పెడుతోంది. ఇది కాకుండా.. సంజయ్ లీలా భన్సాలీని రణవీర్ ఓ రిక్వెస్ట్ పంపాడట. ఈ మూవీ ఫస్ట్ లుక్ సమయంలో దీపికా పదుకొనే సోలో లుక్ ఉండాలని అడిగాడట.

కానీ వీటిని సంజయ్ లీలా భన్సాలీ  పట్టించుకునే పరిస్థితి ఉండదు. తన సినిమా.. ప్రమోషన్ ఎలా ఉండాలో ఎవరో చెబితే వినేవాడు కాదు భన్సాలీ. తన సినిమా విషయంలో రణవీర్ ఇలా దూర్చడం దగ్గరే తన లవర్ రణవీర్ తో దీపికాకు గొడవ మొదలవడానికి కారణం అంటున్నారు. ఆ తర్వాత ఈ తేడాలు ఇంకా పెరిగాయట. అదీ సంగతి.

Like Us on Facebook : https://www.facebook.com/Tupakidotcom/