తప్పు అనసూయది కాదు.. నాగార్జునదే..

సోగ్గాడే చిన్ని నాయన అంటూ సంక్రాంతికి ఫుల్లు సందడి చేయనున్నాడు నాగార్జున. పూర్తి పల్లెటూరి వాతావరణంలో.. ఫుల్ లెంగ్త్ ఎంటర్ టెయినర్ గా తెరకెక్కిన ఈ చిత్రానికి.. రీసెంట్ గా సెన్సార్ కార్యక్రమాలు కూడా పూర్తయ్యాయి. అయితే సోగ్గాడే చిన్ని నాయనకు సెన్సార్ బోర్డ్ యూ/ఏ సర్టిఫికేట్ ఇవ్వడం చాలామందిని ఆశ్చర్యపరిచింది. ఫ్యామిలీ మూవీకి ఇలాంటి సర్టిఫికేట్ రావడమేంటా అనే ప్రశ్న తలెత్తింది.

దీనికి కారణంగా అందరూ అనసూయ వైపే చూపించడం మొదలుపెట్టారు. తొలిసారిగా నాగ్ పక్కన చేస్తుండడం, సిల్వర్ స్క్రీన్ పై మెరిసే అవకాశం రావడంతో.. నాగ్ మరదలి పాత్రలో అనసూయ రెచ్చిపోయి చేసిందని అంటున్నారు. బుల్లితెరపైనే అందాలను ఆరబోసే ఈ భామ.. వెండితెరపై ఆ డోస్ మరింత పెంచిందని, అందుకే యూ/ఏ సర్టిఫికేట్ వచ్చిందని అంచనా వేస్తున్నారు. ఈమెకు హంసానందిని కూడా ఈ సినిమాలో బాగానే గ్లామర్ ను ధారబోసిందంటున్నారు. అయితే.. ఇలా యూ/ఏ సర్టిఫికేట్ రావడానికి అనసూయ కారణం కాకపోవచ్చు. ఎందుకంటే హీరోయిన్ల ఎక్స్ పోజింగ్ ఇప్పుడు సర్వసాధారణం అయిపోయింది.

ఎక్స్ ప్రెస్ రాజాలో శర్వానంద్ తో నటించిన సురభి ఎంతగా వయ్యారాలు ప్రదర్శించినా.. ఆ మూవీకి యూ సర్టిఫికేట్ వచ్చింది. మరి సోగ్గాడికి మాత్రం యూ/ఏ ఎందుకంటే.. అది నాగ్ చేస్తున్న దెయ్యం పాత్ర కారణంగానే అని చెప్పాలి. ఎంత దెయ్యం పాత్రతో కామెడీ చేయించినా.. ఆ పాత్రతో కొన్ని టెర్రర్ సీన్స్ తప్పనిసరి. మాయలు, మంత్రాల్లాంటివి కూడా చోటు చేసుకుంటాయి. వీటిని ట్రైలర్ లో కూడా కొంతమేర చూపించారు. ఈ అతీత శక్తుల కారణంగానే సోగ్గాడే చిన్ని నాయన చిత్రానికి యూ సర్టిఫికేట్ రాకపోయిఉండచ్చు.