మహేష్ ను డైరెక్ట్ చేయనున్న తరుణ్ భాస్కర్

'పెళ్ళిచూపులు' సినిమాతో దర్శకుడిగా ఎంట్రీ ఇచ్చిన తరుణ్ భాస్కర్ అభిరుచి ఉన్న దర్శకుడిగా పేరు తెచ్చుకున్నాడు.  కానీ తరుణ్ దర్శకత్వంలో తెరకెక్కిన రెండో సినిమా 'ఈ నగరానికి ఏమైంది" పెద్దగా విజయం సాధించలేదు.  తరుణ్ నెక్స్ట్ ఎవరిని డైరెక్ట్ చేస్తాడనే విషయంలో గత కొన్ని రోజులుగా స్పెక్యులేషన్లు జోరుగా సాగుతున్నాయి.  రీసెంట్ గా తరుణ్ సూపర్ స్టార్ మహేష్ బాబును కలిసి కథ వినిపించాడని కూడా వార్తలు వచ్చాయి.  మరి మహేష్ ను డైరెక్ట్ చేసే సంగతి నిజమేనా?

తరుణ్ - మహేష్ మీటింగ్ నిజమేనట.. డైరెక్ట్ చేసేది కూడా పక్కా అని సమాచారం కాకపోతే ప్రస్తుతానికి మాత్రం అది సినిమా కాదు.  త్వరలో ఒక ప్రముఖ బ్రాండ్ కోసం మహేష్ బాబు అడ్వర్టైజ్ మెంట్ ను తరుణ్ దర్శకత్వంలో తెరకెక్కిస్తారట.  సదరు యాడ్ డీటెయిల్స్ చర్చించేందుకే మహేష్ ను తరుణ్ కలిశాడట.  ఈమధ్య నాగ చైతన్య - సమంతాలతో ఒక షాపింగ్ మాల్ యాడ్ ను తరుణ్ రూపొందించాడట.  ఆ యాడ్ బ్యూటిఫుల్ గా ఉందని ఫీడ్ బ్యాక్ రావడంతో మహేష్ నెక్స్ట్ యాడ్ రూపొందించే భాద్యతను తరుణ్ కు అప్పగించారట. మరో రెండు రోజుల్లో ఆ యాడ్ షూటింగ్ జరగనుందని సమాచారం.

ఇదిలా ఉంటే తరుణ్ భాస్కర్ త్వరలో విజయ్ దేవరకొండ నిర్మించనున్న సినిమాతో హీరోగా పరిచయం అవుతున్నాడు.  రీసెంట్ గా 'ఫలక్ నుమా దాస్' టీజర్ లో రఫ్ గా ఉండే పోలీస్ పాత్రలో ప్రేక్షకులకు సర్ ప్రైజ్ ఇచ్చిన సంగతి తెలిసిందే.