విడాకులు జ్ఞానం నుండి .. వివాహాలు అజ్ఞానం మూర్ఖత్వం నుండి జరుగుతాయి!-ఆర్జీవీ

బాలీవుడ్ మిస్టర్ పర్ఫెక్షనిస్ట్ అమీర్ ఖాన్ - కిరణ్ రావు 15 సంవత్సరాల వివాహ జీవితం ఎండ్ కానుంది. ఈ జంట పరస్పరం విడిపోవాలని నిర్ణయించుకున్నారు. దీనిపై ఉమ్మడి ప్రకటన విడుదల చేశారు. తాము విడిపోయినా క‌లిసి కుటుంబంలా ఉంటామ‌ని పిల్ల‌ల బాధ్య‌త‌లు తీసుకుంటున్నామ‌ని అమీర్ - కిర‌ణ్ ప్ర‌క‌టించారు. ఈ స‌ప‌రేషన్ చాలామంది అభిమానుల‌కు రుచించ‌లేదు. దీంతో నెటిజ‌నుల్లో తీవ్ర‌మైన ట్రోలింగ్ క‌నిపిస్తోంది.

అభిమానుల్లో కొంద‌రు ఈ జంటకు మద్దతునిస్తున్నా.. చాలా మంది వారు తప్పుడు నిర్ణయం తీసుకున్నారని వేలెత్తి చూపిస్తున్నారు. కానీ అమీర్- కిరణ్ జంట‌ నిర్ణయాన్ని వివాదాస్ప‌ద ద‌ర్శ‌కుడు రామ్ గోపాల్ వర్మ సమర్థించారు. ట్విట్టర్ లో వరుస ట్వీట్లలో ఈ విడాకుల గురించి తన ఆలోచనలను పంచుకున్నారు.

విడాకులు వివాహం కంటే ఎక్కువగా జరుపుకోవాలని ఆర్జీవీ కోరారు. ఎందుకంటే విడాకులు జ్ఞానం నుండి జరుగుతాయి. వివాహాలు అజ్ఞానం మూర్ఖత్వం నుండి జరుగుతాయి`` అని తన ట్వీట్లలో ఆర్జీవీ వ్యాఖ్యానించారు.

అమీర్ - కిర‌ణ్ లకు విడాకులు తీసుకోవడంలో సమస్య లేకపోతే ఎందుకు ఇదంతా మీకు? మొత్తం ప్రపంచం ఇలానే ఉండాలా? ట్రోలర్లు దీనిని తెలివితక్కువగా వ్యక్తిగత మార్గంలో ట్రోల్ చేస్తున్నారు. అయితే ఈ జంట వ్యక్తిగతంగా ప్రొఫెషనల్ గా ఉన్నారు! హే అమీర్‌ఖాన్ # కిరణ్ రావ్ మీరు మీకు న‌చ్చిన‌ట్టు కోరుకుంటున్నట్లు చేస్తున్నారని భవిష్యత్తులో వ్యక్తిగత కారణాల వల్ల సంతోషకరమైన సమయాన్ని కలిగి ఉండాలని ఖచ్చితంగా అనుకుంటున్నాను. ఇది స్పష్టంగా మీకు మాత్రమే తెలుస్తుంది. నేను  అమీర్ ఖాన్ .. కిరణ్ రావ్ ఇద్దరికీ మునుపటి కంటే చాలా రంగురంగుల జీవితాన్ని కోరుకుంటున్నాను`` అని ట్వీట్ చేశారు.