సినీ తరాలకు సంబంధించిన పుట్టినరోజు వేడుకలు వస్తే చాలు ఎదో ఒక స్పెషల్ గిఫ్ట్ ను ఎవరో ఒకరు ప్రజెంట్ చేస్తుంటారు. ఇక ఒక కుటుంబానికి చెందిన సినీ తారల గురించి ప్రత్యేకంగా చెప్పనక్కర్లేదు. ఏ మాత్రం హద్దులు లేకుండా అత్యంత ఖరీదైన వస్తువులను వాహనాలను బహుమతి ఇస్తుంటారు. ఇక అసలు విషయానికి వస్తే.. తెలుగు ప్రేక్షకుల మదిలో హాసినిగా ఎంతో గుర్తింపు తెచ్చుకున్న జెనీలియా ప్రస్తుతం తన మ్యారేజ్ లైఫ్ ని ఎంజాయ్ చేస్తోంది.
2012 లో అమ్మడు బాలీవుడ్ హీరో రితేష్ దేశ్ ముఖ్ ని పెళ్లి చేసుకున్న సంగతి తెలిసిందే. అయితే రీసెంట్ గా అతని 40వ పుట్టిన రోజు వేడుకలను అమ్మడు సింపుల్ గా సెలబ్రేట్ చేసి హ్యాపీగా గడిపింది. అయితే తన సతీమణికి రితేష్ కు ఊహించని సర్ప్రైజ్ ఇచ్చింది. ప్రపంచంలో అత్యంత ఖరీదైన రాయల్ కార్లలో టెస్లా కూడా ఒకటి. అయితే ఇండియాలో ఒకరి దగ్గరే ఈ కారు ఉంది. జెనీలియా ఆ కారు కొని తను భర్తకు స్పెషల్ గా ప్రజెంట్ చేసింది.
బాలీవుడ్ లో తారలకు ఇలాంటివేమీ కొత్త కాదు. అయితే జెన్నీ మాత్రం భర్తకు ఎవరూ ఊహించని విధమైన కాస్ట్లీ కారును ఇచ్చి అతనికి థ్రిల్ ఇచ్చింది. దీని గురించి మాట్లాడిన రితేష్.. ''ఒక 40 ఏళ్ల వ్యక్తిని 20 ఏళ్ళ మనిషిగా మార్చేయడం జెనీలియాకు బాగా తెలుసు'' అంటూ కామెంట్ చేశాడు. ప్రస్తుతం ఈ హీరో బాలీవుడ్ లో రెండు సినిమాలతో బిజీగా ఉన్నాడు. అయితే జెనీలియా మాత్రం చివరగా 2016లో కొన్ని సినిమాల్లో గెస్ట్ రోల్స్ చేసింది. ఆ తర్వాత మారేసినిమాల్లో కనిపించలేదు.