2.0 ప్రపంచ యాత్ర చేస్తాడట

ఒక హీరోని ఒక ప్రాంతపు ప్రజలు సూపర్ స్టార్ గా అంగీకరించడం పెద్ద విషయం కాదు. కానీ అదే నటుడిని  దేశం మొత్తం అంతే స్థాయి అభిమానాన్ని పొందడం ఒక్క రజినీకాంత్ కు మాత్రమే సాధ్యపడింది. ఇకపోతే శంకర్ డైరక్షన్లో వచ్చిన రోబో సినిమా దేశ బాక్స్ ఆఫీసు వద్ద ఎటువంటి పెను తుఫాను చేసిందో తెలిసిందే. ఇప్పుడు ఆ సినిమాకు సీక్వెల్‌ గా నిర్మిస్తున్న సినిమా ‘2.0’. ఈ సినిమా షూటింగ్ పూర్తియిందని ఇప్పుడు పోస్ట్ ప్రొడక్షన్ పనులలో బిజీగా ఉన్నాము అని చిత్రయూనిట్ తెలిపారు.

లైకా ప్రొడక్షన్స్‌ వారు 2.0 సినిమా కోసం ప్రపంచ ప్రచార యాత్ర గట్టిగానే ప్లాన్ చేశారు. వి‌ఎఫ్‌ ఎక్స్ పనులు జరుగుతున్న 2.0  సినిమాను జనవరి 25న ప్రపంచ వ్యాప్తంగా విడుదల చేస్తామని, 2.0 చిత్ర ప్రచారంలో భాగంగా ఒక వరల్డ్ టూర్ కూడా చేస్తున్నాము దాని కోసం ఒక వీడియోను కూడా విడుదల చేస్తున్నాం అంటున్నారు మేకర్లు. దీపావళికి 2.0 ఫస్ట్ లుక్ విడుదల చేసి రజినీకాంత్ పుట్టినరోజు నాడు ట్రైలర్ విడుదల చేయడానికి ప్లాన్ చేశారు. అలాగే ఆడియో ఫంక్షన్ కూడా గ్రాండ్ గానే ప్లాన్ చేశారులే. ఎ.ఆర్‌.రెహమాన్‌ స్వరపరిచిన ఈ మ్యూజిక్ ను అక్టోబర్‌ నెలలో దుబాయ్‌ లో విడుదల చేయనున్నారు.

ఈ సినిమాలో రజినీకాంత్ కు ప్రతినాయకుడుగా బాలీవుడ్ స్టార్ అక్షయ్‌ కుమార్‌ నటిస్తున్నాడు. రజినీకు జోడీగా అమీ జాక్సన్ నటిస్తుంది. ఇంకా ఈ చిత్రంలో సుధాంశు పాండే - ఆదిల్‌ హుసేన్‌ - కళాభవన్‌ షాజాన్‌ - రియాజ్‌ ఖాన్‌ ఇతర పాత్రల్లో నటిస్తున్నారు. లైకా ప్రొడక్షన్స్‌ నిర్మిస్తున్న ఈ సినిమాను శంకర్ డైరెక్ట్ చేస్తున్నాడు.

Like Us on Facebook : https://www.facebook.com/Tupakidotcom/