ట్రైలర్ టాక్: వీడెవడో బాగానే ఉన్నాడు

చాలా సంవత్సరాల నుండి టాలీవుడ్ లో ఒక హీరోగా ప్రూవ్ చేసుకోవాలని సచిన్ జోషి ఎన్నో ప్రయత్నాలు చేస్తూనే ఉన్నాడు. కాని ఎప్పుడూ కూడా పెద్దగా సక్సెస్ కాలేదు. ఇక నిర్మాతగా కొన్ని సినిమాలకు ఫండింగ్ చేసినా కూడా.. అది కూడా మిస్‌ ఫైర్ అయ్యింది. అందుకే ఇప్పుడు హీరోగా మరోసారి వస్తున్నాడు. ఈసారి ''వీడెవడు'' అంటూ ఒక ఆసక్తికరమైన థ్రిల్లర్ తో దిగుతున్నాడు.

నిజానికి ఒక పెద్ద హీరో చేస్తే ఖచ్చితంగా రచ్చ లేపేసే సినిమా తరహాలో ''వీడెవడు'' ట్రైలర్ కనిపిస్తోంది. తాతినేతి సత్య రూపొందించిన ఈ సినిమాలో.. అసలు హీరోయిన్ ను చంపేసింది ఈ సచిన్ జోషీయేనా.. ఇంకెవరైనానా.. అనే సందేహం చుట్టూ సినిమా కథ నడుస్తుంది. ముఖ్యంగా సచిన్ జోషి కూడా మాంచి ఫిజిక్ తో ఆకట్టుకుంటున్నాడులే. ఇక ప్రొడక్షన్ రేంజ్ అయితే అదిరిపోయింది. బాగా ఎక్కువగానే ఖర్చుపెట్టారు. గోవాలోని ఫోర్ట్ ఆగ్యుడాలో తీసిన ఎపిసోడ్స్ అన్ని అదిరిపోయాయ్. థమన్ రీ-రికార్డింగ్ కూడా అదిరింది. అలాగే విజువల్స్ కూడా బాగున్నాయ్.

ఈసారైనా సచిన్ జోషి ఒక హిట్టు కొట్టేస్తాడా? ఏమో చెప్పలేం.. కొట్టినా కొట్టేయొచ్చు.

Full View



Like Us on Facebook : https://www.facebook.com/Tupakidotcom/