మెగా నందమూరి మూవీ.. కష్టమా?

నందమూరి కళ్యాణ్ రామ్- సాయిధరం తేజ్ లు హీరోలుగా ఓ మల్టీ స్టారర్ మూవీ తెరకెక్కించే ప్రయత్నాలు జరుగుతున్న సంగతి తెలిసిందే. అయితే.. ఈ సినిమా స్టార్ట్ కావడం.. సెట్స్ పైకి వెళ్లడం కష్టమే అంటున్నారు టాలీవుడ్ జనాలు. ఏఎస్ రవికుమార్ చౌదరి దర్శకత్వంలో.. కేఎస్ రామారావు నిర్మాణంలో ప్రాజెక్టుకు ఓకే అనుకున్నా.. అసలు సంగతి మాత్రం వేరే ఉందట.

అసలిప్పటి వరకూ ఈ మెగా నందమూరి కాంబో మూవీ కోసం స్క్రిప్ట్ ఇంకా సిద్ధం కాలేదని అంటున్నారు. ఫైనల్ స్క్రిప్ట్ సంగతి పక్కన పెట్టినా.. అసలు స్క్రిప్ట్ పనులు కూడా ఇంకా స్టార్ట్ కాలేదని తెలుస్తోంది. మరోవైపు నందమూరి కళ్యాణ్ రామ్ హీరోగా నటించిన ఇజం కనుక హిట్ సాధిస్తే.. ఇప్పుడున్న లెక్కలు మారిపోతాయి. మరోవైపు సాయిధరం తేజ్ నటిస్తున్న విన్నర్ పరిస్థితి కూడా ఇంతే.

ఈ ఇద్దరు హీరోలు రెండు పెద్ద కుటుంబాలకు చెందిన వారసులు కావడంతో.. స్క్రిప్ట్ ఓకే చేయడం అంత ఈజీగా కాదని అంటున్నారు. మరోవైపు స్క్రిప్ట్ పనులు ఆలస్యం అవుతుండడంతో ఈ ప్రాజెక్టు లో చేయడంపై కళ్యాణ్ రామ్ అనుమానం వెలిబుచ్చాడు. అన్నీ ఓకే అయి మెగా నందమూరి కాంబో తెరకెక్కితే బాగానే ఉంటుంది కానీ.. ఆ పరిస్థితి రావడం కష్టమే అనే టాక్ గట్టిగానే ఉంది.

Like Us on Facebook : https://www.facebook.com/Tupakidotcom/