మెగా ఫ్యామిలీ కార్డ్ అక్క‌ర్లేదట

మెగా ఫ్యామిలీ హీరో.. మెగా హీరో.. అన్న కార్డ్ త‌న‌కి అక్క‌ర్లేద‌ని అంటున్నాడు సాయిధ‌ర‌మ్ తేజ్‌. మెగా అన్న ఇమేజ్ త‌న‌కి అక్క‌ర్లేద‌ని వ్యాఖ్యానించాడు. మెగా ఫ్యామిలీ నుంచి వ‌చ్చిన హీరో అని పిల‌వ‌డం త‌న‌కి గౌర‌వ‌మే. మంచి గుర్తింపే కానీ అది త‌న‌కి అక్క‌ర్లేద‌ని అంటున్నాడు. మెగా అన్న దానికంటే సొంత గుర్తింపుతోనే త‌న‌కి ఎద‌గాల‌ని ఉంద‌న్నాడు.

సొంత ట్యాలెంటుతోనే ఎద‌గాల‌నుకుంటున్నా. ప్ర‌తిభ‌తో ప్రేక్ష‌కాభిమానం సంపాదించుకోవాల‌నుకుంటున్నా. మెగా ఫ్యామిలీ హీరోగా నాకు అవ‌కాశాలు విరివిగా వ‌స్తూన్నా.. ఇక నా స్వ‌యం ప్ర‌తిభ‌తోనే ఎద‌గాల‌నుకుంటున్నాన‌ని మెగా హీరో అన్నాడు. ఈ విష‌యంలో ప్ర‌జ‌లే న్యాయ‌నిర్ణేత‌లు. వారే నిర్ణ‌యించాల‌ని సాయిధ‌ర‌మ్ అన్నాడు. మెగా హీరో అయినంత మాత్రాన చెత్త సినిమాల్లో న‌టిస్తానంటే చూస్తారా? అని ప్ర‌శ్నించాడు. చెత్త సినిమాలు కాదు.. మంచి సినిమాలు చేయాల‌ని అన్నాడు. అయితే మంచి సినిమా ఏది?  చెత్త ఏది ఎలా తెలుస్తుంది?

రేయ్‌ - పిల్లా నువ్వు లేని జీవితం రిలీజ‌య్యాయి. వీటిలో ఒక‌టి సూప‌ర్‌ హిట్‌. ఒక‌టి సూప‌ర్ ఫ్లాప్‌. కాబ‌ట్టి సాయిధ‌ర‌మ్ ఒక చెత్త సినిమాలో, ఒక మంచి సినిమాలో న‌టించాడ‌న్న‌మాట‌. ఇప్పుడు మూడో సినిమా సుబ్ర‌హ్మ‌ణ్యం ఫ‌ర్ సేల్ వ‌స్తోంది. ఇది చెత్త సినిమానా? మంచి సినిమానా? అనేది నిర్ణ‌యించాల్సింది ప్ర‌జ‌లేన‌ని సాయిధ‌ర‌మ్ చెప్ప‌క‌నే చెప్పాడు. మెగా అన్న ఇమేజ్‌ తో ప‌నే లేకుండా హిట్టు కొడ‌తాన‌ని కాన్ఫిడెంటుగా చెప్పాడు. కుర్రాడిలోని స్పీడ్ చూస్తుంటే కాన్ఫిడెన్స్ లెవ‌ల్స్ పీక్స్‌ లో ఉన్నాయ‌నే అనిపిస్తోంది. సుబ్ర‌హ్మ‌ణ్యం ఏం చేస్తాడో వెయిట్ అండ్ సీ.