మేనల్లుడు కూడా గుర్రాన్ని దించేశాడు

గుర్రపు స్వారీ అంటే మన హీరోలకు భలే మజా. ముఖ్యంగా మగధీర సినిమా హిట్టయ్యాక.. చాలామంది స్టార్ హీరోలు ఏదో ఒక విధంగా హార్స్ రైడింగ్ ఎపిసోడ్ తమ సినిమాల్లో పెట్టేశేయాలని చాలానే తపన పడ్డారు. కొందరికి ఈ హార్సులు కలిసొస్తే కొందరికి హ్యాండిచ్చాయ్. ఇప్పుడిక మెగా మేనల్లుడు సాయిధరమ్ కూడా ఈ రూటులోనే స్వారీ చేస్తున్నాడు.

మగధీరలో రామ్ చరణ్‌ గుర్రపుస్వారీ సూపర్ హిట్టంతే. సినిమా కూడా ఇండస్ర్టీ హిట్టయ్యింది. తరువాత రుద్రమదేవిలో బన్నీ చేసిన హార్స్ రైడింగ్ మాత్రం హిట్టయ్యింది. ఇక బాబాయ్ పవన్ కళ్యాణ్‌ గబ్బర్ అంటూ గుర్రాన్ని దించితే హిట్టయ్యింది కాని.. సర్దార్ అంటూ స్వారీ చేస్తే మాత్రం దెబ్బతగిలింది. అలాగే చిరు అండ్ చరణ్‌ లు కలసి బ్రూస్ లీ కోసం గుర్రమెక్కితే.. ఆ సీన్లు రంజింపజేసినా కూడా సినిమా ఢమాల్ అనేసింది. ఇప్పుడు ''విన్నర్'' సినిమాతో సాయిధరమ్ తేజ్ కూడా.. గుర్రంపై స్వారీ అండ్ చేజ్ సీన్లు.. గుర్రంతో ఒక రేసు.. అబ్బో.. నానా బీభత్సం చేయడానికి రెడీ అయిపోయాడని టీజర్ చూస్తే మనకు అర్ధమవుతోందిలే.

మరి కొందరికి హిట్టిచ్చి కొందరికి  హాత్ ఇచ్చిన గుర్రం.. ఈ విన్నర్ ను ఏ దిశలోకి తీసుకెళ్తుందో చూడాలంటే మాత్రం.. సినిమా రిలీజయ్యేవరకు ఆగాల్సిందే.