శర్వాతో రొమాంటిక్ బెంగాళి పల్లవి

రొమాంటిక్ సీన్స్ ని తెరకెక్కించడం లో దర్శకుడు హను రాఘవపూడి మంచి గుర్తింపు తెచ్చుకున్నాడని అతని గత సినిమాలే చెబుతాయి. అందాల రాక్షసి లో కొన్ని ప్రేమ సన్నివేశాలు కొన్ని కొత్తగా ఉండటమే కాకుండా చాలా రొమాంటిక్ గా కూడా ఉంటాయి. ఇక మరొక లవ్ స్టోరీ కృష్ణ గాడి వీర ప్రేమ కథలో కూడా నాని - మెహ్రీన్ మధ్య వచ్చే ప్రేమ సన్నివేశాలు చాలా క్లిక్ అయ్యాయి. ప్రధాన తారాగణం మధ్య రొమాన్స్ ని చాలా బాగా చూపించడానికి విమర్శకుల ప్రశంసలను అందుకున్నాడు.

అయితే అదే తరహాలో ఇప్పుడు హను రాఘవపూడి రొమాంటిక్ బాయ్ శర్వానంద్ అలాగే క్యూటీ ఫిదా పిల్ల సాయిం పల్లవి ల మధ్య కూడా కొత్తగా క్రియేట్ చేయనున్నాడట. రీసెంట్ గా చిత్ర యూనిట్ ఈ విషయాన్ని తెలిపింది. ఇటీవల కలకత్తాలలో కొత్త షెడ్యూల్ ని స్టార్ట్ చేశారు. శర్వా సాయి పల్లవిల మధ్య బెంగాల్ టేస్ట్ ని కొంచెం టచ్ చేసి హను స్వీట్ రొమాంటిక్ సీన్స్ ని తెరకెక్కించాడట. చూపులతోనే ఇద్దరు పెదవులపై నవ్వు తెప్పిస్తారని చెబుతున్నారు.

బెంగాల్ బ్యాక్ డ్రాప్ లో ముఖ్యమైన సీన్స్ తెరకెక్కించిన అనంతరం నెక్స్ట్ షెడ్యూల్ ని మళ్లీ హైదరాబాద్ కి షిఫ్ట్ చేయనున్నారట. శ్రీ లక్ష్మి వెంకటేశ్వరా సినిమా ప్రొడక్షన్ లో తెరకెక్కుతోన్న ఈ సినిమా ఫుల్ రొమాంటిక్ ఎంటర్టైన్మెంట్ తరహాలో ఉంటుందట. ఇక సాంగ్స్ కూడా చాలా బావుంటాయని తెలుస్తోంది. ప్రముఖ కోలీవుడ్ మ్యూజిక్ డైరెక్టర్ విశాల్ చంద్రశేకర్ సినిమాకు సంగీతం అందిస్తున్నాడు. మరి ఈ సినిమా అనుకున్నంత రేంజ్ లో రిజల్ట్ ని ఇస్తుందో లేదో చూడాలి.