నాగ చైతన్య - డైరెక్టర్ మారుతి కాంబినేషన్లో సినిమా అనగానే ఇక ఓ మంచి ఫ్యామిలీ ఎంటర్ టైనర్ విత్ మారుతి మార్క్ కామెడీ టచ్ అని అందరూ ఫిక్స్ అయ్యారు. పైగా ఆమె శైలజారెడ్డి పాత్రలో రమ్య కృష్ణ అనగానే సినిమా పై మంచి బజ్ క్రియేట్ అయింది. ఈ సినిమా టీజర్ ఈరోజే రిలీజ్ అయింది.
ఊహించినట్టే టీజర్ ఎండ్ లో రమ్య కృష్ణ ను ఓ పవర్ ఫుల్ లేడీగా చూపించారు. కానీ అంది అందరూ ఊహించినదే కాబట్టి పెద్దగా ఎవరూ సర్ ప్రైజ్ కారు. అసలు సర్ ప్రైజ్ ప్యాకేజ్ హీరోయిన్ అను ఇమ్మాన్యుయేల్.. ఎందుకంటే మారుతి తనకు స్పెషల్ స్త్రెంగ్థ్ అయిన "వీక్ నెస్ ఉన్న హీరో'' క్యారెక్టరైజేషన్ ను ఈ సారి హీరోయిన్ కు తగిలించాడు. కాకపోతే అది మెడికల్ భాషలో చెప్పేలాంటి వీక్నెస్ కాదు. బిహేవియరల్ వీక్నెస్.. ఈగో. తెలుగులో చెప్తే తలబిరుసు. ఇది టోటల్ టీజర్ లో సర్ ప్రైజ్ ఫ్యాక్టర్. మరి ఆమాత్రం లేకపోతే ఎలా? శైలజారెడ్డి లాంటి పవర్ఫుల్ క్యారెక్టర్ ని మాత్రమే ఎదుర్కొంటే అందరూ వంద సినిమాలను కంపేర్ చేసి ఇది 'రొటీన్' అంటారు. అందుకే 'పవర్ ఫుల్ అత్త' తో పాటు ఫుల్ 'ఈగో ఉన్న అందమైన కూతురిని' మన హీరో చైతుకి తగిలించాడు మారుతి. అంటే డబల్ డోస్ అన్నమాట.
ఒకపక్క ఈగో ఉన్న హీరోయిన్ తో ఏగుతూ లవ్ లో పడెయ్యాలి. ఆతర్వాత హైదరాబాద్ లో ఉండే బండల్లాంటి మనసున్న పవర్ ఫుల్ అత్త మనసును కరిగించాలి. ఇది మన చైతు భయ్యా మిషన్!
ఇక టీజర్ లో పెద్దగా డైలాగులు లేవు కానీ ఉన్న మూడు డైలాగులు సూపర్. రఘుబాబు చెప్పే 'పిల్ల పిట్టలా ఇంతే ఉన్న పొట్ట నిండా ఈగోనే' ... హీరోయిన్ చెప్పే "నువ్వు ఐ లవ్ యు అని ప్రపోజ్ చెయ్.. లవ్ యూ టూ అని యాక్సెప్ట్ చేస్తా".. చైతు ఇచ్చే ఫైనల్ టచ్ "ఈ పిల్లే ఇలా ఉంటే పిల్ల తల్లి ఎలా ఉంటుందో!"
ఇక టెక్నికల్ థింగ్స్ గురించి మాట్లాడుకుంటే రిచ్ ప్రొడక్షన్ వాల్యూస్ - బ్రైట్ విజువల్స్ - గోపిసుందర్ అందించిన ఆకట్టుకునే నేపథ్య సంగీతం అన్నీ పర్ఫెక్ట్. లాస్ట్ బట్ నాట్ ద లీస్ట్ - చైతు అందంగా ఉన్నాడు, బాడీ లాంగ్వేజ్ కొత్తగా కాన్ఫిడెంట్ గా ఉంది. ఇంకెందుకాలస్యం.. వాచ్ ద టీజర్.