'సలార్‌' డ్యూయెల్‌ రోల్‌ ఇంట్రెస్టింగ్‌ పాయింట్‌ లీక్‌

పాన్ ఇండియా సూపర్‌ స్టార్‌ ప్రభాస్‌ హీరోగా కేజీఎఫ్‌ స్టార్‌ ప్రశాంత్ నీల్ దర్శకత్వంలో రూపొందుతున్న సినిమా సలార్‌. ఈ సినిమా చిత్రీకరణ ఇప్పటికే ప్రారంభం అయ్యింది. వచ్చే ఏడాది ఆరంభంలో సినిమాను ప్రేక్షకుల ముందుకు తీసుకు వచ్చేందుకు దర్శకుడు తీవ్రంగా ప్రయత్నాలు చేస్తున్నాడు. కరోనా సెకండ్‌ వేవ్ కారణంగా నిలిచి పోయిన షూటింగ్‌ ను వచ్చే నెల నుండి పునః ప్రారంభించబోతున్నట్లుగా తెలుస్తోంది. ఇక ఈ సినిమా లో ప్రభాస్ ద్విపాత్రాభినయం చేస్తున్నట్లుగా ఇప్పటికే వార్తలు వచ్చాయి. ఆ వార్తలతో పాటు మరో ఇంట్రెస్టింగ్ పాయింట్‌ ఇండస్ట్రీ వర్గాల ద్వారా లీక్‌ అయ్యింది.

సలార్‌ గురించి తాజాగా ఇండస్ట్రీ వర్గాల్లో జరుగుతున్న ప్రచారం ప్రకారం ఈ సినిమా లో ప్రభాస్ తండ్రి కొడుకుల పాత్రలో కాకుండా అన్నా తమ్ముడు పాత్రలో కనిపించబోతున్నాడట. అది కూడా మొదట ఇద్దరికి కూడా అన్నదమ్ములు అనే విషయం తెలియకుండానే కథ సాగుతుందట. సినిమా క్లైమాక్స్ లో అన్నదమ్ములు అనే విషయం రివీల్‌ అవుతుందట. ఈ కథ సింపుల్‌ గానే ఉన్నా కూడా ప్రశాంత్‌ నీల్‌ మాస్ టేకింగ్‌ మరియు యాక్షన్‌ సన్నివేశాలు మరో లెవల్‌ లో ఉంటాయని ఇండస్ట్రీ వర్గాల వారు అంటున్నారు.

ప్రభాస్‌ కు జోడీగా ఈ సినిమాలో శృతి హాసన్‌ హీరోయిన్‌ గా నటిస్తున్న విషయం తెల్సిందే. కేజీఎఫ్‌ సినిమా తో పాన్ ఇండియా గుర్తింపు దక్కించుకున్న ప్రశాంత్‌ నీల్‌ ఈ సినిమా లో కేజీఎఫ్ ను మించిన యాక్షన్‌ సన్నివేశాలను చూపించబోతున్నట్లుగా చెబుతున్నాడు. ప్రభాస్‌ మాస్ ఇమేజ్ కు ప్రశాంత్‌ నీల్‌ తోడైతే మరో రేంజ్ లో సలార్‌ ఉంటుందని అభిమానులు చాలా నమ్మకంతో ఉన్నారు.