నాగార్జున - చైతన్యకు షాకిచ్చిన సమంత

అక్కినేని వారి కోడలు అయ్యాక సమంతలో చాలా మార్పొచ్చినట్టే కనిపిస్తోంది. . మామ నాగార్జున ప్రభావమో ఏమో కానీ సొంతంగా ఆలోచనలు చేస్తోందట సమంత.. సినిమాల ఎంపిక - కొత్త పాత్రలు చేయడంలోనూ నాగార్జునను ఫాలో అవుతోంది. అంతేకాదు.. ఇటు హీరోగా - అటు నిర్మాతగా నాగార్జున డ్యూయల్ రోల్స్ లో హిట్ కొడుతున్న సంగతి తెలిసింది. ఇప్పుడు మామను మరిపించేందుకు సమంత కూడా రంగంలోకి దిగుతోందట.. అదీ నిర్మాతగా.. కానీ ఇక్కడే ట్విస్ట్ ఇచ్చింది. అక్కినేని ఫ్యామిలీతో సంబంధం లేకుండా.. నాగార్జున - చైతన్య డబ్బులు వాడకుండా తన సొంత డబ్బులతోనే సినిమాలు తీస్తానని తాజాగా వ్యాఖ్యానించి సంచలన సృష్టించింది.

‘అన్నపూర్ణ స్టూడియోస్ - మనం ఎంటర్ టైన్ మెంట్స్ ఈ రెండు మా ఫ్యామిలీ నిర్మాణ సంస్థలు. వాటిపై సినిమాలు తీయను. నా డబ్బుతో నేనే సొంతంగా చిన్ని సినిమాలు నిర్మిస్తాను. నాకు నా సినిమాను స్త్రీన్ పై చూసుకోవాలని ఉంది’ అంటూ తన మనసులోని మాటను సమంత బయటపెట్టింది. ఈ నిర్ణయం ఓ రకంగా మామ నాగార్జున, భర్త నాగచైతన్యకు షాకిచ్చేదే.. కానీ స్వతంత్ర భావాలు గల సమంత తన నిర్ణయంలో మార్పులేదని ప్రకటించడంతో మామ - భర్త ఎలా స్పందిస్తారనేది ఆసక్తిగా మారింది.

‘కొత్త టాలెంట్ వెలికితీస్తా.. కొత్త వాళ్లను ఎంకరేజ్ చేస్తారు. ఇప్పటికే పలు ప్రాజెక్టులు వచ్చాయి. ఇప్పుడే నిర్మాతగా మారతానో లేదో తెలియదు. ప్రస్తుతం నటిగా బిజీగా ఉన్నా.. దాన్ని ఎంజాయ్ చేస్తా.. ఆ తర్వాత నిర్మాణ రంగంలోకి దిగుతా.. యూటర్న్ - రాజుగారి గది2తో కొత్త జర్నీ మొదలైంది’ అంటూ సమంత తన అభిప్రాయాన్ని కుండబద్దలు కొట్టింది. తను నటించిన యూటర్న్ మూవీకి పాజిటివ్ టాక్ వచ్చిందని.. కేవలం మల్టీఫ్లెక్స్ సినిమాగా దాన్ని చూడవద్దని కోరింది. సినిమా ఫలితం తెలియాలంటే సోమవారం వరకూ ఆగాలని సూచించింది.