ఫోటో స్టోరి: పంచెకట్టి షర్టేసిన సమంత

ఇప్పుడు సోషల్ మీడియాలో ఎక్కడ చూసినా కూడా ఒక ఫోటో తెగ హల్చల్ చేస్తోంది. ఈ ఫోటో మన టాప్ హీరోయిన్ సమంతతో పాటు ప్రముఖ క్యారక్టర్ ఆర్టిస్ట్ రావు రమేష్‌ కూడా ఉన్నారు. ఇంతకీ ఈ ఫోటో కథేంటి బాసూ.. పదండి చూద్దాం.

మొన్నటివరకు గోదావరి జిల్లా కొల్లేరు పరీవాహక ప్రాంతంలో షూటింగ్ జరుపుకున్న రామ్ చరణ్‌ మరియు సుకుమార్ సినిమా షూటింగ్ సమయంలో.. ఈ ఫోటో తీశారట. ఆ సినిమాలో తన తండ్రి వేసుకున్న పంచె మరియు షర్టు కాంబినేషన్ బట్టలను.. సమంత కూడా వేసుకుని సరదాగా ఇమిటేట్ చేసే సీన్ ఒకటి ఉందట. ఆ సీన్ కోసం ఈ విధంగా డ్రెస్సింగ్ చేశారట. ఈ సినిమాలో సమంత మూగమ్మాయి అన్నారు కాని.. అది ఎంతవరకు నిజమో తెలియదు. కాని సమంత మాత్రం అచ్చ తెలుగు గెటప్ లో అదిరిపోయిందనే చెప్పాలి.

ఇకపోతే ప్రస్తుతం షెడ్యూల్ బ్రేక్ ఎంజాయ్ చేస్తున్న సమంత.. తన స్నేహితులను సరదాగా కలసి రావడానికి చెన్నయ్ వెళ్లిందట. ఇప్పుడు తన లుక్ ఇలా అనుకోకుండా లీకైనా కూడా.. దానికి కేకలు పెట్టించే రెస్పాన్స్ రావడంతో సమంత కూడా పిచ్చగా ఎంజాయ్ చేస్తోంది.

Like Us on Facebook : https://www.facebook.com/Tupakidotcom/